ଏସିଆ କପ୍ ୨୦୨୩ : ପାକିସ୍ତାନ ଯିବନି ଟିମ୍ ଇଣ୍ଡିଆ, ଶ୍ରୀଲଙ୍କାରେ ହେବ ଭାରତ-ପାକ୍ ମ୍ୟାଚ୍
ଏସିଆ କପ୍ରେ ହେବନି କୌଣସି ପରିବର୍ତ୍ତନ । ଟିମ୍ ଇଣ୍ଡିଆ ଖେଳିବା ପାଇଁ ଯିବନି ପାକିସ୍ତାନ । ଭାରତ-ପାକ୍ ମ୍ୟାଚ୍ ଶ୍ରୀଲଙ୍କାରେ ହେବ ବୋଲି ବିସିସିଆଇ ସଚିବ ଜୟ ଶାହା ଏବଂ ପସିବି ପ୍ରମୁଖ ଜକା ଅଶରଫଙ୍କ ମଧ୍ୟରେ ବୈଠକ ପରେ ନିଷ୍ପତ୍ତି ନିଆଯାଇଛି ।
ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ଏସିଆ କପ୍ ୨୦୨୩ ଶ୍ରୀଲଙ୍କାରେ ଖେଳାଯିବ । ବିସିସିଆଇ ସଚିବ ଜୟ ଶାହା ଏବଂ ପାକିସ୍ତାନ କ୍ରିକେଟ ବୋର୍ଡର ପ୍ରମୁଖ ଜକା ଅଶରଫ ମଧ୍ୟରେ କଥାବାର୍ତ୍ତା ହେବା ପରେ ଏଭଳି ନିଷ୍ପତ୍ତି ହୋଇଛି । ହାଇବ୍ରିଡ ମଡେଲରେ ଅଧିନରେ ଖେଳାଯିବାକୁ ଥିବା ଏସିଆ କପ୍ର ଆୟୋଜନ କରିବାର ଅଧିକାର ପାକିସ୍ତାନରେ ରହିଛି । କିନ୍ତୁ ପାକିସ୍ତାନରେ କେବଳ ୪ଟି ମ୍ୟାଚ୍ ହେବ ଆଉ ଅନ୍ୟ ମ୍ୟାଚ୍ ଶ୍ରୀଲଙ୍କାରେ ଖେଳାଯିବ ।
ଡରବନରେ ଆଇସିସି ବୋର୍ଡ ବୈଠକ ପୂର୍ବରୁ ଜୟ ଶାହା ଏବଂ ଜକା ଅଶରଫ ମଧ୍ୟରେ ଏସିଆ କପ୍ ସିଡ୍ୟୁଲ ଫାଇନାଲ କରିବା ପାଇଁ ଏକ ଅନୌପଚାରିକ ମିଟିଂ ଥିଲା । ଏହାକୁ ନେଇ ଆଇପିଏଲ ଚେୟାରମ୍ୟାନ୍ ଅରୁଣ ଧୁମଲ କହିଛନ୍ତି, ଜୟ ଶାହା ଏବଂ ପିସିବି ମୁଖ୍ୟଙ୍କ ମଧ୍ୟରେ ସାକ୍ଷାତ ହୋଇ ଏସିଆ କପ୍ ସିଡ୍ୟୁଲକୁ ନେଇ ଚର୍ଚ୍ଚା ହୋଇଥିଲା ।
Confirmed- Asia Cup 2023 Schedule: 4 matches in Pakistan, 9 in Sri Lanka
Dhumal, who is in Durban for the ICC Chief Executives Meet (CEC) confirmed that BCCI secretary Jay Shah and PCB representative head Zaka Ashraf met ahead of ICC Board meeting scheduled on Thursday to… pic.twitter.com/3T9I4xDJvJ
— Nibraz Ramzan (@nibraz88cricket) July 12, 2023
ଅରୁଣ ଧୁମଲ କହିଛନ୍ତି, ଭାରତୀୟ ଟିମ୍ ଆଗାମୀ ଏସିଆ କପରେ ସମସ୍ତ ମ୍ୟାଚ୍ ଶ୍ରୀଲଙ୍କାରେ ଖେଳିବ । ଏସିଆ କପ୍ ୨୦୨୩ରେ ଲିଗ ପର୍ଯ୍ୟାୟରେ ୪ଟି ମ୍ୟାଚ୍ ପାକିସ୍ତାନରେ ହେବ । ଏହାପରେ ସମସ୍ତ ମ୍ୟାଚ୍ ଶ୍ରୀଲଙ୍କାରେ ଖେଳିବ । ଭାରତ-ପାକିସ୍ତାନ ମଧ୍ୟରେ ହେବାକୁ ଥିବା ୨ଟି ମ୍ୟାଚ୍ ମଧ୍ୟ ଶ୍ରୀଲଙ୍କାରେ ହେବ । ଯଦି ଟିମ୍ ଫାଇନାଲରେ ପହଞ୍ଚେ ତେବେ ଶ୍ରୀଲଙ୍କାରେ ତୃତୀୟ ମ୍ୟାଚ ଖେଳାଯିବ ।
