ଧୋନି ନେଇପାରନ୍ତି ଆଇପିଏଲରୁ ସନ୍ନ୍ୟାସ ! ସିଏସକେର ଭିଡିଓ ଫ୍ୟାନ୍ସଙ୍କ ହୃଦସ୍ପନ୍ଦନ ବଢାଇଲା
ଧୋନିଙ୍କ ଆଇପିଏଲ୍ରୁ ସନ୍ନ୍ୟାସ ନେବା ନେଇ ଅନେକ ଚର୍ଚ୍ଚା ଚାଲିଥିବା ବେଳେ ସିଏସକେର ଭିଡିଓ ଫ୍ୟାନ୍ସଙ୍କ ହୃଦସ୍ପନ୍ଦନ ବଢାଇଦେଇଛି । ସିଏସକେ ସେୟାର କରିଥିବା ଭିଡିଓରେ ସବୁ କିଛି ସ୍ପଷ୍ଟ ହୋଇଯାଇଛି ।
ଚେନ୍ନାଇ ସୁପରକିଙ୍ଗସ ୫ମ ଥର ପାଇଁ ଆଇପିଏଲ୍ ଟାଇଟଲ ହାସଲ କରିଛି । ଧୋନିଙ୍କ ନେତୃତ୍ବରେ ଟିମ୍ ଏହି ଟାଇଟଲ ୫ମ ଥର ପାଇଁ ଜିତିଛି । ଆଇପିଏଲ୍ ୨୦୨୩ ଆରମ୍ଭ ହେବା ପୂର୍ବରୁ ଧୋନିଙ୍କ ସନ୍ନ୍ୟାସ ନେବାକୁ ନେଇ ଅନେକ ଚର୍ଚ୍ଚା ଚାଲିଥିଲା । କିନ୍ତୁ ଆଇପିଏଲ୍ ୨୦୨୩ ଟାଇଟଲ ଜିତିବା ପରେ ଯଦି ଫିଟନେସ ଠିକ୍ ନୁହେଁ ତେବେ ଆଗାମୀ ସିଜିନ ଖେଳିପାରନ୍ତି ଧୋନି । ତେବେ ଚର୍ଚ୍ଚା ହେଉଥିବା କଥାକୁ ନେଇ ଧୋନି ପୂର୍ଣ୍ଣଚ୍ଛେଦ ଲଗାଇଛନ୍ତି । ଚେନ୍ନାଇ ଏବେ ଏକ ନୂଆ ଭିଡିଓ ସେୟାର କରିଛି । ଯାହା ଫ୍ୟାନ୍ସଙ୍କ ହୃଦସ୍ପନ୍ଦନ ବଢାଇଦେଇଛି ।
ଧୋନି ଆଇପିଏଲ୍ ଫ୍ରାଞ୍ଚାଇଜ ଚେନ୍ନାଇ ସୁପରକିଙ୍ଗସ ନିଜ ଟ୍ବିଟର ଆକାଉଣ୍ଟରେ ଏକ ଭିଡିଓ ସେୟାର କରିଛି । ଯେଉଁଥିରେ କ୍ୟାପସନ ଲେଖାହୋଇଛି… ଓଃ କ୍ୟାପଟେନ, ମାଇଁ କ୍ୟାପଟେନ । ଏହି ଭିଡିଓରେ ଧୋନି ସିଢି ଚଢି ଡ୍ରେସିଂ ରୁମରୁ ଫେରୁଥିବା ଦେଖିବାକୁ ମିଳିଛନ୍ତି । ଭିଡିଓରେ ଧୋନିଙ୍କ ବ୍ୟାଟିଂ ଏବଂ ୱିକେଟ କିପିଂ ଦେଖିବାକୁ ମିଳୁଛି । ଏହି ଭିଡିଓରେ ବ୍ୟାକଗ୍ରାଉଣ୍ଡରେ ଇମୋସନାଲ ଗୀତ ବାଜୁଛି । ତେବେ ଏହାକୁ ନେଇ ଧୋନି କିମ୍ବା ଚେନ୍ନାଇ ସୁପରକିଙ୍ଗସ ପକ୍ଷରୁ କୌଣସି ଅଫିସିଆଲ ବୟାନ ଆସିନାହିଁ ।
Oh Captain, My Captain! 🥹#WhistlePodu #Yellove 🦁💛 @msdhoni pic.twitter.com/whJeUjWUVd
— Chennai Super Kings (@ChennaiIPL) June 13, 2023
ଧୋନିଙ୍କ ନେତୃତ୍ୱରେ ଟିମ୍ ଭଲ ପ୍ରଦର୍ଶନ କରି ୫ମ ଥର ଟାଇଟଲ ହାସଲ କରିଛି । ଆଇପିଏଲ୍ ୨୦୨୩ ସିଜିନରେ ଧୋନି ଆହତ ହୋଇ ମଧ୍ୟ ଖେଳିଥିଲେ । ହେଲେ ଏହି ସିଜନରେ ଧୋନି ଯନ୍ତ୍ରଣାରେ ଥାଇ ମଧ୍ୟ ଟିମକୁ ଛାଡିନଥିଲେ । କଷ୍ଟରେ ଥାଇ ମଧ୍ୟ ଫାଇନାଲ ଖେଳିଥିଲେ । ଯାହାର ଭିଡିଓ ଭାଇରଲ ହେବାରେ ହୋଇଥିଲା ।
MS Dhoni came to bat even with this injured knee🥹
His commitment towards the game🫡 pic.twitter.com/9AL8BQGvf5
— ♚ (@balltamperrer) May 31, 2023
