କେକେଆର ଜିତିବା ପରେ ଭୁଲ୍‌ କରିଦେଲେ ଶାହରୁଖ ଖାନ, ସମସ୍ତ ସାମ୍ନାରେ ମାଗିଲେ ଭୁଲ୍‌

କୋଲକତା ନାଇଟ ରାଇଡର୍ସ ସନରାଇଜର୍ସ ହାଇଦ୍ରାବାଦକୁ କ୍ୱାଲିଫାୟର ମ୍ୟାଚରେ ହରାଇ ଫାଇନାଲରେ ପ୍ରବେଶ କରିଛି । କେକେଆର ଟିମ୍‌ ୪ର୍ଥ ଥର ପାଇଁ ଆଇପିଏଲ ଫାଇନାଲରେ ପହଞ୍ଚିଛି । ଫାଇନାଲ ମ୍ୟାଚ ୨୬ ମଇରେ ଖେଳାଯିବ । ଏହି ମ୍ୟାଚକୁ ଦେଖିବାକୁ ଟିମର ମାଲିକ ଶାହରୁଖ ଖାନ ମଧ୍ୟ ପହଞ୍ଚିଥିଲେ । ଶାହରୁଖ ଝିଅ ସୁହାନା ଏବଂ ପୁଅ ଅବରାମଙ୍କ ସହିତ ଟିମ୍‌ ଜିତିବା ପରେ ଅହମଦାବାଦ ଷ୍ଟାଡିୟମରେ ବୁଲିବୁଲି ଫ୍ୟାନ୍ସଙ୍କୁ ଧନ୍ୟବାଦ ଜଣାଇଥିଲେ । ହେଲେ ଏହି ସମୟରେ ଶାହରୁଖ ଏକ ଭୁଲ୍‌ କରିଥିଲେ । ଯାହା ପାଇଁ ଶାହରୁଖ ଭୁଲ୍‌ ମାଗିଥିଲେ । ଆଉ ଏହାର ଭିଡିଓ ଭାଇରଲ ହେଉଛି ।

ଶାହରୁଖ ମଇଦାନରେ ଚକ୍କର କାଟୁଥିବା ବେଳେ କମେଣ୍ଟେଣ୍ଟରଙ୍କ ଶୋ ମଧ୍ୟରେ ପହଞ୍ଚି ଯାଇଥିଲେ । କମେଣ୍ଟେଣ୍ଟର ଆକାଶ ଚୋପ୍ରା, ସୁରେଶ ରାଇନା ଏବଂ ପାର୍ଥିବ ପଟେଲ ଶୋ କରୁଥିବା ସମୟରେ ଶାହରୁଖ ସେମାନଙ୍କ ସାମ୍ନାରେ ପହଞ୍ଚିଯାଇଥିଲେ । ଶାହରୁଖ ଏହା ଜାଣିବା ପରେ ସେମାନଙ୍କୁ ଭୁଲ୍‌ ମାଗିଥିଲେ ଆଉ ଆଲିଙ୍ଗନ କରି ଭୁଲ୍‌ ହୋଇଥିବା ପ୍ରକାଶ କରିଥିଲେ ।

Shah Rukh Khan warmly greeted Suresh Raina, Parthiv Patel and Aakash Chopra and said sorry because he couldn’t see them earlier. How can you not love him 🥹💜 #ShahRukhKhan #SureshRaina #ParthivPatel #AakashChopra #KKRvsSRH #Kolkota #KKR pic.twitter.com/ByYsn9WiZ5

— Rajesh Kumar Reddy E V (@rajeshreddyega) May 21, 2024

ଶାହରୁଖ କହିଛନ୍ତି, ମୋର ଭୁଲ୍‌ କି ମୁଁ ଶୋ ମଧ୍ୟରେ ଆସିଯାଇଥିଲି । ଏଥିପାଇଁ ମୁଁ ଭୁଲ୍‌ ମାଗୁଛି । ଶାହରୁଖଙ୍କ ଏଭଳି ଅନ୍ଦାଜ ଫ୍ୟାନ୍ସଙ୍କ ହୃଦୟ ଜିତିଥିଲା ।

କେକେଆର ୨୦୧୨ ଏବଂ ୨୦୧୪ରେ ଆଇପିଏଲ ଟାଇଟଲ ଜିତିଥିଲା । ଟିମ୍‌ ଟାଇଟଲ ଜିତିବା ବେଳେ ମେଣ୍ଟର ଗୌତମ ଗମ୍ଭୀର ରହିଥିଲେ । ଚଳିତଥର ମଧ୍ୟ ଗମ୍ଭୀର ମେଣ୍ଟର ଭାବେ ରହିଛନ୍ତି ।

ପ୍ରଥମ କ୍ବାଲିଫାୟାରରେ ହାଇଦ୍ରାବାଦକୁ ୮ ୱିକେଟରେ ପରାସ୍ତ କରି ଲିଗ୍ ଟପ୍ପର କୋଲକାତା ନାଇଟ ରାଇଡର୍ସ ଆଇପିଏଲ୍ ଫାଇନାଲରେ ପ୍ରବେଶ କରିଛି । ଶ୍ରେୟସ ଆୟର ୨୪ ବଲରୁ ୫୮ ରନ୍ ଓ ଭେଙ୍କେଟଶ ଆୟର ୨୮ ବଲରୁ ୫୧ ରନ୍ କରିଥିଲେ । ଦୁଇ ଜଣଙ୍କ ଅର୍ଦ୍ଧଶତକ କାରଣରୁ କେକେଆର ୩୮ ବଲ୍ ପୂର୍ବରୁ ୮ ୱିକେଟରେ ବିଜୟୀ ହୋଇଥିଲା । ସନରାଇଜର୍ସ ହାଇଦ୍ରାବାଦ ଟିମ୍‌ ପ୍ରଥମେ ବ୍ୟାଟିଂ କରି ୧୫୯ ରନ୍‌ କରିପାରିଥିଲା । ଯାହାକୁ କୋଲକତା ମାତ୍ର ୧୩.୪ ଓଭରରେ ୨ ଓ୍ଵିକେଟ ହରାଇ ୧୬୪ ରନ୍‌ ହାସଲ କରିଥିଲା । ହାଇଦ୍ରାବାଦକୁ ଏବେ ଦ୍ବିତୀୟ କ୍ବାଲିଫାୟର ଖେଳିବାକୁ ହେବ ।