ସୁସ୍ଥ ହୋଇନାହାନ୍ତି ଶ୍ରେୟସ ଆୟର, କିଏ ହେବ କୋଲକତା ଟିମର ଅଧିନାୟକ !
ଆଉ କିଛିଦିନ ପରେ ଆଇପିଏଲ୍ ୨୦୨୩ ଆରମ୍ଭ ହେବ । ଆଉ କୋଲକତା ନାଇଟ ରାଇଡର୍ସ ଟିମର ଦାୟିତ୍ୱ କିଏ ନେବ ତାହାକୁ ନେଇ ଟିମ ଚିନ୍ତାରେ। ଶ୍ରେୟସ ଆୟରଙ୍କ ଆହତ ସମସ୍ୟା ଦଳ ପାଇଁ ମୁଣ୍ଡବିନ୍ଧାର କାରଣ ପାଲଟିଛି ।
ଅଷ୍ଟ୍ରେଲିଆ ବିପକ୍ଷରେ ଅହମଦାବାଦ ଟେଷ୍ଟ ମ୍ୟାଚର ତୃତୀୟ ଦିନରେ ଖେଳ ସମୟରେ ପିଠିରେ ଯନ୍ତ୍ରଣା ଯୋଗୁଁ ମ୍ୟାଚରୁ ବାଦ୍ ପଡିଥିଲେ । ଏହା ପରେ ସେ ଟେଷ୍ଟ ମ୍ୟାଚ୍ ଖେଳିନଥିଲେ । ତେବେ ଆଗାମୀ ଆଇପିଏଲ୍ ସିଜନ ପାଇଁ ଶ୍ରେୟସ ଫିଟ୍ କି ନାହିଁ ତାହା ଏପର୍ଯ୍ୟନ୍ତ ଜଣାପଡିନାହିଁ ।
ଆଗାମୀ ଆଇପିଏଲ୍ ସିଜନ ପାଇଁ ଶ୍ରେୟସ ଆୟର କୋଲକତା ନାଇଟ ରାଇଡର୍ସର ଅଧିନାୟକ ଦାୟିତ୍ୱ ତୁଲାଇଥାନ୍ତେ । କିନ୍ତୁ ଏପର୍ଯ୍ୟନ୍ତ ତାଙ୍କ ଆଘାତ ସମସ୍ୟା ନେଇ କୌଣସି ଅପଡେଟ୍ ଆସିନାହିଁ । କ୍ରିକବଜ୍ ରିପୋର୍ଟ ଅନୁଯାୟର, ଶ୍ରେୟସଙ୍କୁ ଆଗାମୀ ୧୦ ଦିନ ପର୍ଯ୍ୟନ୍ତ ବିଶ୍ରାମ କରିବା ପାଇଁ ପରାମର୍ଶ ଦିଆଯାଇଛି । ଏହା ପରେ ଆଇପିଏଲ୍କୁ ନେଇ ନିଷ୍ପତ୍ତି ନିଆଯିବ । ତେବେ ଯଦି ଆଇପିଏଲ ପାଇଁ ଶ୍ରେୟସ ନ ଖେଳନ୍ତି, ତେବେ ତାଙ୍କ ସ୍ଥାନରେ କାହାକୁ ଦାୟିତ୍ୱ ଦିଆଯିବ ?
ୱେଷ୍ଟଇଣ୍ଡିଜ ବ୍ୟାଟ୍ସମ୍ୟାନ୍ ଆଣ୍ଡ୍ରେ ରସେଲ କେକେଆର ସବୁଠାରୁ ଅଭିଜ୍ଞ ଓ ଅନୁଭବୀ ଖେଳାଳି। ଏକୁଟିଆ ସେ ଟିମକୁ ଅନେକ ବିଜୟ ଦେଇଛନ୍ତି । ତେବେ ଆୟରଙ୍କ ଅନୁପସ୍ଥିତିରେ କୋଲକାତା ନାଇଟ୍ ରାଇଡର୍ସ ରସେଲଙ୍କୁ ସେମାନଙ୍କର ଅଧିନାୟକ କରିପାରେ ।
ନ୍ୟୁଜିଲ୍ୟାଣ୍ଡର ଅଭିଜ୍ଞ ଦ୍ରୁତ ବୋଲର ଟିମ୍ ସାଉଦୀ ମଧ୍ୟ କେକେଆର୍ ପାଇଁ ଅଧିନାୟକତ୍ୱ ଦାୟିତ୍ୱ ନେଇପାରନ୍ତି । ଅନେକ ଥର ସାଉଦୀ ନ୍ୟୁଜିଲାଣ୍ଡ ଦଳର ଦାୟିତ୍ୱ ମଧ୍ୟ ନେଇଛନ୍ତି। ଏଥି ସହିତ ସେ ବର୍ତ୍ତମାନ ନ୍ୟୁଜିଲ୍ୟାଣ୍ଡ ଟେଷ୍ଟ ଦଳର ଅଧିନାୟକ ମଧ୍ୟ ଅଛନ୍ତି। ଏପରି ପରିସ୍ଥିତିରେ, କେକେଆର୍ ତାଙ୍କ ଅଧିନାୟକତ୍ୱ ଅଭିଜ୍ଞତାରୁ ମଧ୍ୟ ଉପକୃତ ହୋଇପାରିବେ ଏବଂ ଫ୍ରାଞ୍ଚାଇଜ୍ ତାଙ୍କୁ ଆୟରଙ୍କ ସ୍ଥାନରେ ଅଧିନାୟକ କରିପାରେ।
ନୀତୀଶ ରାଣା ମଧ୍ୟ ଦୀର୍ଘ ଦିନ ଧରି କେକେଆର ପାଇଁ ଆଇପିଏଲରେ ଖେଳୁଥିଲେ। ଘରୋଇ କ୍ରିକେଟରେ ସେ ଦଳର ଅଧିନାୟକ ମଧ୍ୟ ରହିଛନ୍ତି। ଏଭଳି ପରିସ୍ଥିତିରେ ଯଦି ଆୟର ଆହତ କାରଣରୁ ଆଇପିଏଲରୁ ଦୂରେଇ ଯାଆନ୍ତି, ତେବେ ନୀତୀଶ ରାଣା ମଧ୍ୟ କେକେଆରର ଅଧିନାୟକ ହୋଇପାରନ୍ତି।
