କଲମ୍ବୋ : ପ୍ରଥମ ଦିନିକିଆ ଆନ୍ତର୍ଜାତିକ କ୍ରିକେଟ୍ ମ୍ୟାଚ୍ରେ ଭାରତ ଆଗରେ ୨୬୩ ରନ୍ର ବିଜୟଲକ୍ଷ୍ୟ ରଖିଛି ଘରୋଇ ଶ୍ରୀଲଙ୍କା ଦଳ ।
ଟସ୍ ଜିତି ଘରୋଇ ଶ୍ରୀଲଙ୍କା ଦଳ ପ୍ରଥମେ ବ୍ୟାଟିଂ ନେଇଥିଲା । ଦଳ ପକ୍ଷରୁ ଆବିଷ୍କା ଫର୍ଣ୍ଣାଣ୍ଡେ ୩୨, ମିନୋଡ ଭାନୁକ ୨୭, ଭାନୁକା ରାଜପାକସେ ୨୪ ଓ ଧନଞ୍ଜୟ ଡିସିଲଭା ୧୪ ରନ୍ କରି ଆଉଟ୍ ହୋଇଥିଲେ । ପରେ ଚରିତ ଆସଲଙ୍କା ୩୮, ଦାସୁନ ସନକା ୩୯ ଏବଂ ଛାମିକା କରୁଣାରତ୍ନେ ୩୫ ବଲ୍ରୁ ଅପରାଜିତ ୪୩ ରନ୍ ସଂଗ୍ରହ କରିଥିଲେ । ଫଳରେ ଶ୍ରୀଲଙ୍କା ନିର୍ଦ୍ଧାରିତ ୫୦ ଓଭରରେ ୯ ଓ୍ଵିକେଟ୍ ହରାଇ ୨୬୨ ରନ୍ କରି ପାରିଥିଲା ।
ଭାରତ ପକ୍ଷରୁ ଦୀପକ ଚହର, ଯୁଜବେନ୍ଦ୍ର ଚହଲ ଏବଂ କୁଲଦୀପ ଯାଦବ ପ୍ରତ୍ୟେକ ଦୁଇଟି ଲେଖାଏଁ ଓ୍ଵିକେଟ୍ ଦଖଲ କରିଛନ୍ତି ।