୪ ଦିନ ହେଲା ନିଖୋଜ ଥିଲେ ଏହି ଷ୍ଟାର ଖେଳାଳି, ଏବେ ମିଳିଲା ମୃତଦେହ
ଗତ ୪ ଦିନ ହେଲାଣି ନିଖୋଜ ଥିଲେ ଜେମ୍ସ ଡିନ୍ । ଏବେ ମିଳିଲା ମୃତଦେହ। ଷ୍ଟେଲିବ୍ରିଜ୍ ସେଲ୍ଟିକ୍ ଫୁଟବଲ କ୍ଲବର ଷ୍ଟାର ଫୁଟବଲର ଜେମ୍ସ ଡିନଙ୍କ ପରଲୋକ ଘଟିଛି । ଲଙ୍କାଶାୟର ପୋଲିସ ତାଙ୍କ ଶବ ଜବତ କରିଥିବା ସୂଚନା ମିଳିଛି । ପରିବାର ପକ୍ଷରୁ ପୋଲିସରେ ମାମଲା ରୁଜୁ ପରେ ପୋଲିସ, ପରିବାର ଲୋକେ ଏବଂ ତାଙ୍କ ବନ୍ଧୁମାନେ ବହୁ ଖୋଜାଖୋଜି କରିଥିଲେ । କିନ୍ତୁ କେଉଁଠାରେ ତାଙ୍କୁ ଖୋଜିପାଇନଥିଲେ ।
୩୫ ବର୍ଷୀୟ ଜେମ୍ସଙ୍କୁ ଶେଷ ଥର ପାଇଁ ମେ ୫ ତାରିଖରେ ଓର୍କର୍ଡ ଡ୍ରାଇବର ଅଞ୍ଚଳରେ ଦେଖିବାକୁ ମିଳିଥିଲା । ଏ ନେଇ ଟ୍ବିଟର ଯୋଗେ ନିଖୋଜ ଖବର ପୋଷ୍ଟ କରିଥିଲା ଲଙ୍କାଶାୟର ପୋଲିସ । ତେବେ ରବିବାର ଦିନ ବ୍ଲାକ୍ବର୍ନ ଅଞ୍ଚଳରୁ ଜେମ୍ସ ଡିନଙ୍କ ଶବ ଜବତ କରାଯାଇଥିଲା ।
I’m absolutely devastated to hear about my former team mate,friend Deano. Goal machine and nightmare on the pitch but a big gentle giant off it. Big heart big smile and left a positive impression on everyone, you will be missed but never forgotten. Rest easy brother #Deano 💙😢 pic.twitter.com/Qx1zX4I9Xk
— Danny lowe (@Dannylowe85) May 9, 2021
ତେବେ ଜେମ୍ସ ଡିନଙ୍କ ହତ୍ୟା କରାଯାଇଛି କିମ୍ବା ସେ ଆତ୍ମହତ୍ୟା କରିଛନ୍ତି ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ପୋଷ୍ଟମର୍ଟମ ପରେ ହିଁ ଘଟଣା ବାବଦରେ କିଛି ତଥ୍ୟ ସାମ୍ନାକୁ ଆସିବ ବୋଲି ପୋଲିସ କହିଛି । ତାଙ୍କ ମୃତ୍ୟୁରେ ଫୁଟବଲ ଜଗତରେ ଶୋକର ଛାୟା ଖେଳିଯାଇଛି ।
