ଭାରତୀୟ ଟିମକୁ ଝଟକା, ଆଫଗାନିସ୍ତାନ ବିପକ୍ଷ ଟି୨୦ ସିରିଜରୁ ବାଦ୍ ପଡ଼ିଲେ ସୂର୍ଯ୍ୟକୁମାର ଯାଦବ
ଭାରତ ଆଫଗାନିସ୍ତାନ ବିପକ୍ଷରେ ଖେଳିବାକୁ ଥିବା ଟି-୨୦ ସିରିଜରୁ ସୂର୍ଯ୍ୟ କୁମାର ବାଦ୍ ପଡ଼ିଛନ୍ତି । ଭାରତ- ଦକ୍ଷିଣ ଆଫ୍ରିକା ମଧ୍ୟରେ ଟି୨୦ ସିରିଜର ଶେଷ ମ୍ୟାଚରେ ଫିଲ୍ଡିଂ କରୁଥିବା ବେଳେ ସୂର୍ଯ୍ୟକୁମାର ଯାଦବ ଆହତ ହୋଇଥିଲେ ।
ଭାରତୀୟ ଟିମ୍ ଏବେ ଦକ୍ଷିଣ ଆଫ୍ରିକା ଗସ୍ତରେ ରହିଛି । ଏଠାରେ ଟି-୨୦, ଦିନିକିଆ ସିରିଜ ପରେ ଟିମ୍ ଟେଷ୍ଟ ସିରିଜ ଖେଳିବ । ହେଲେ ଏହାପୂର୍ବରୁ ଟିମକୁ ଝଟକା ଲାଗିଛି । ଆଗାମୀ ଭାରତ ଆଫଗାନିସ୍ତାନ ବିପକ୍ଷରେ ଖେଳିବାକୁ ଥିବା ଟି-୨୦ ସିରିଜରୁ ସୂର୍ଯ୍ୟ କୁମାର ବାଦ୍ ପଡ଼ିଛନ୍ତି । ତେବେ ଏଭଳି ସ୍ଥିତିରେ ଟିମ୍ ଇଣ୍ଡିଆର ଟି-୨୦ ଅଧିନାୟକ କିଏ ହେବ ତାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି ।
ଭାରତ- ଦକ୍ଷିଣ ଆଫ୍ରିକା ମଧ୍ୟରେ ଟି୨୦ ସିରିଜର ଶେଷ ମ୍ୟାଚରେ ଜୋହାନ୍ସବର୍ଗରେ ଖେଳାଯାଇଥିଲା । ଏହି ମ୍ୟାଚରେ ଫିଲ୍ଡିଂ କରୁଥିବା ବେଳେ ସୂର୍ଯ୍ୟକୁମାର ଯାଦବ ଆହତ ହୋଇଥିଲେ । ତେଣୁ ଆଗାମୀ ୭ ସପ୍ତାହ ପର୍ଯ୍ୟନ୍ତ ସୂର୍ଯ୍ୟକୁମାର ଯାଦବ ସବୁ ମ୍ୟାଚରୁ ବାଦ୍ ପଡିଛନ୍ତି ।
Suryakumar Yadav struggling with ankle injury.
Wishing him a speedy recovery. pic.twitter.com/ZmzGvLFF5S
— Mufaddal Vohra (@mufaddal_vohra) December 22, 2023
ତେବେ ଏବେ ଟି୨୦ ଟିମର ଅଧିନାୟକ କିଏ ହେବ ତାହାକୁ ନେଇ ଦ୍ୱନ୍ଦ୍ୱ ଦେଖାଦେଇଛି । ସୂର୍ଯ୍ୟକୁମାରଙ୍କ ଅଧିନାୟକତ୍ୱରେ ଅଷ୍ଟ୍ରେଲିଆ ବିପକ୍ଷ ଟି୨୦ ସିରିଜ ଜିତିଥିବା ବେଳେ ଏବଂ ସାଉଥ ଆଫ୍ରିକା ବିପକ୍ଷ ସିରିଜକୁ ୧-୧ରେ ବରାବର ରଖିଥିଲା ଟିମ୍ ।
ଆସନ୍ତା ଜାନୁଆରୀ ୧୧ରୁ ଭାରତ-ଆଫଗାନିସ୍ତାନ ମଧ୍ୟରେ ୩ ମ୍ୟାଚ ବିଶିଷ୍ଟ ଟି-୨୦ ସିରିଜ ଆରମ୍ଭ ହେବ । ସେ ଅତିକମରେ ମାସେ ପର୍ଯ୍ୟନ୍ତ ଖେଳିପାରିବେ ନାହିଁ । ପ୍ରଥମ ମ୍ୟାଚ ଜାନୁଆରୀ ୧୧ରେ ଆଇଏସ ବିନ୍ଦ୍ରା ଷ୍ଟାଡିୟମରେ ଖେଳାଯିବ । ସେହିପରି ଦ୍ୱିତୀୟ ମ୍ୟାଚ ୧୪ ଜାନୁଆରୀ ଏବଂ ୧୭ ଜାନୁଆରୀରେ ଶେଷ ମ୍ୟାଚ ଖେଳାଯିବ ।
