ମୁମ୍ବାଇ : ଗତ ୧୨ ତାରିଖ ଦିନ ହାଇଦ୍ରାବାଦରେ ଖେଳା ଯାଇଥିବା ଆଇପିଏଲ୍ ଫାଇନାଲ୍ରେ ଚେନ୍ନାଇକୁ ହରାଇ ଚାମ୍ପିଅନ୍ ହୋଇଥିଲା ମୁମ୍ବାଇ ଇଣ୍ଡିଆନ୍ସ । ଚାମ୍ପିଅନ୍ ଦଳ ସୋମବାର ଦିନ ମୁମ୍ବାଇ ଫେରିଥିଲା । ଟିମ୍ର ମାଲିକ ନୀତା ଅମ୍ବାନୀ ଓ ସ୍ୱାମୀ ରିଲାୟନ୍ସ କମ୍ପାନୀର ମାଲିକ ମୁକେଶ ଅମ୍ବାନୀ ଦଳକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦେଇଥିଲେ । ସନ୍ଧ୍ୟାରେ ଦଳ ପହଞ୍ଚିବା ପରେ ସେମାନଙ୍କୁ ଏକ ଖୋଲା ବସ୍ରେ ଶୋଭାଯାତ୍ରାରେ ନିଆଯାଇଥିଲା । ରାସ୍ତାରେ ହଜାର ହଜାର କ୍ରିକେଟ୍ ପ୍ରେମୀ ସେମାନଙ୍କୁ ସ୍ୱାଗତ କରିଥିଲେ ।
ଏହି ଶୋଭାଯାତ୍ରା ମୁକେଶ ଅମ୍ବାନୀଙ୍କ ଘର ଏଣ୍ଟିଲିଆରୁ ଆରମ୍ଭ ହୋଇ ନରିମାନ୍ ପଏଣ୍ଟ ପର୍ଯ୍ୟନ୍ତ ଚାଲିଥିଲା । ତା ପରେ ଏଣ୍ଟିଲିଆରେ ଏକ ବଡ଼ ସମ୍ବର୍ଦ୍ଧନା ଉତ୍ସବ ମଧ୍ୟ ଆୟୋଜିତ ହୋଇଥିଲା । ଯେଉଁଥିରେ ଦଳର ସମସ୍ତ ଖେଳାଳି, ସଚିନ ତେନ୍ଦୁଲକର ଓ ପତ୍ନୀ ଅଞ୍ଜଳି, ନୀତା ଓ ମୁକେଶ ଅମ୍ବାନୀ ପ୍ରମୁଖ ଯୋଗ ଦେଇଥିଲେ ।