କ୍ରିକେଟ ମୈଦାନରେ ନିଜ ଭାଗ୍ୟ ପରୀକ୍ଷା କରିସାରିବା ପରେ ଟିମ ଇଣ୍ଡିଆର ପ୍ରଶିଦ୍ଧ ଖେଳାଳି ଯୁବରାଜ ସିଂ ଖୁବ ଶୀଘ୍ର ବଲିଉଡର ଡିଜିଟାଲ ଜଗତରେ ନିଜ ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି । ନିକଟରେ ହିଁ, ଯୁବରାଜ ନିଜ ପତ୍ନୀ ହେଜେଲ କ୍ରିଚ ଓ ସାନ ଭାଇ ଯୋଜାବର ସିଂହଙ୍କ ସହ ଏକ ୱେବ ସିରିଜରେ ସାଇନ କରିଛନ୍ତି । ଏହି ୱେବସିରିଜରେ ସାନଭାଇ ଯୋଜାବର ପ୍ରମୁଖ ଭୂମିକାରେ ନଜର ଆସିବେ ।
ଖବର ଅନୁଯାୟୀ ଆସାମର ଗୋଟେ ଡ୍ରିମ ହାଉସ ପ୍ରଡକ୍ସନ ହାଉସ ଏହି ୱେବ ସିରିଜ ଟିକୁ ପ୍ରସ୍ତୁତ କରିବାକୁ ଯାଉଛି । ସୂତ୍ର ଅନୁଯାୟୀ ଯୁବରାଜ ସିଂହଙ୍କ ମା’ ଶବନମ ବି ଏହି ୱେବ ସିରିଜ ସହ ଜଡିତ ଅଛନ୍ତି ।ଏହାର ପ୍ରତିକ୍ରିୟାରେ ନିଜେ ଶବନମ କହିଛନ୍ତି କି ଏବେ ପୂରା ବିଶ୍ୱ ଏବେ ଅସଲି ଯୁବରାଜ ଓ ଯୋଜାବରଙ୍କୁ ଦେଖିବ । ଜଣେ ମା’ ଭାବେ ନିଜ ଦୁଇ ପୁଅ ଓ ବୋହୁଙ୍କୁ ବଡ ପରଦାରେ ଦେଖିବା ନିଶ୍ଚିତ ରୂପେ ମୋ ପାଇଁ ଗର୍ବର ବିଷୟ ।
କହି ରଖିବା ଉଚିତ ହେବକି ୩୮ ବର୍ଷୀୟ ଯୁବରାଜ ନିକଟରେ ହିଁ ଅଷ୍ଟ୍ରେଲିଆ ଜଙ୍ଗଲରେ ଲାଗିଥିବା ନିଆଁରେ ପ୍ରଭାବିତ ଲୋକଙ୍କୁ ଆର୍ଥିକ ସହାୟତା ଯୋଗାଇବା ପାଇଁ ଏକ ଚାରିଟି ମ୍ୟାଚରେ ଖେଳୁଥିବା ନଜର ଆସିଥିଲେ । ଯୁବରାଜ ସିଂହ ଭାରତୀୟ ଦଳର ନାମୀ ଖେଳାଳି ମାନଙ୍କ ଭିତରୁ ଜଣେ । ଯୁବରାଜ ଏମିତି ଜଣେ ଖେଳାଳି ଯାହାଙ୍କ ନାଁରେ ଗୋଟିଏ ଟି -୨୦ ଇଣ୍ଟରନେଶନାଲରେ ଗୋଟିଏ ଓଭରରେ ଛ ଟି ଛକା ମାରିବାର ରେକର୍ଡ ଅଛି ।