ଭୁବନେଶ୍ୱରରୁ ଆଜି ଚିହ୍ନଟ ହେଲେ ୨୧୬ କରୋନା ପଜିଟିଭ୍, ସୁସ୍ଥ ହେଲେ ୩୦୭ ଜଣ ଆକ୍ରାନ୍ତ
ଭୁବନେଶ୍ୱର(କେନ୍ୟୁଜ୍) : ଭୁବନେଶ୍ୱରରୁ ଆଜି (ଶନିବାର) ମୋଟ ୨୧୬ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ୫୫ ଜଣ ସଂଗରୋଧରୁ ଆସିଥିବା ବେଳେ ୧୬୧ ଜଣ ଲୋକାଲ୍ କଣ୍ଟାକ୍ଟରୁ ଆସିଥିବା ଜଣାଯାଇଛି । ଭୁବନେଶ୍ୱର ମହାନଗର ନିଗମ (ବିଏମ୍ସି) ଏ ସମ୍ପର୍କରେ ଟ୍ଵିଟ୍ କରି ସୂଚନା ଦେଇଛି । ଭୁବନେଶ୍ୱରରୁ ଆଜି ସୁସ୍ଥ ହୋଇଛନ୍ତି ୩୦୭ ଜଣ ଆକ୍ରନ୍ତ ।
Update on newly detected #COVID19 cases in the last
24 hrs under the BMC area on 17th Oct 2020(till 9am). pic.twitter.com/TykXgd7DJe— BMC (@bmcbbsr) October 17, 2020
ସୂଚନା ଅନୁସାରେ ଭୁବନେଶ୍ୱରରୁ ଆଜି ପର୍ଯ୍ୟନ୍ତ ୨୬ ହଜାର ୯୯୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଥିରୁ ୨୩ ହଜାର ୮୩୦ ଜଣ ସୁସ୍ଥ ହୋଇସାରିଛନ୍ତି । ଏବେ ୩୦୧୧ ଜଣ ଆକ୍ରାନ୍ତ ସକ୍ରିୟ ଥିବା ବେଳେ ୧୩୩ ଜଣଙ୍କର ମୃତ୍ୟୁ ହୋଇଛି । ସଂଗରୋଧରୁ ଚିହ୍ନଟ କରୋନା ପଜିଟିଭ ବ୍ୟକ୍ତିମାନେ ପୂର୍ବରୁ ଆକ୍ରାନ୍ତ ହୋଇଥିବା ରୋଗୀଙ୍କ ସଂସ୍ପର୍ଶରେ ଆସିଥିଲେ ।
ଆଜି ଚନ୍ଦ୍ରଶେଖରପୁରରୁ ୧୧ଜଣ, ୟୁନିଟ-୯ରୁ ୧୦ଜଣ, ପଟିଆରୁ ୧୦ଜଣ, ଖଣ୍ଡଗିରିରୁ ୭ଜଣ, ଲକ୍ଷ୍ମୀସାଗରରୁ ୭ଜଣ, ବମିଖାଲରୁ ୬ଜଣ, ଝାରପଡ଼ାରୁ ୫ଜଣ କରୋନା ଆକ୍ରନ୍ତ ଚିହ୍ନଟ ହୋଇଛନ୍ତି ।
