ରାଉରକେଲା : ଆଜି ନାଲା ରୋଡରେ ପୋଲିସ୍ ଉପରକୁ ପଥର ମାଡ ହୋଇଥିବା ସୂଚନା ମିଳିଛି । କୌଣସି କାରଣରୁ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ଯାହାଫଳରେ କିଛି ଲୋକ ପଥର ମାଡ କରିବା ସହ ବ୍ଯାରିକେଡ ଭାଙ୍ଗିଦେଇଥିଲେ। ଏନେଇ ଖବର ପାଇବା ପରେ ନାଲା ରୋଡକୁ ଅଧିକ ସଂଖ୍ଯକ ପୋଲିସ୍ ଫୋର୍ସ ଆସି ପହଁଚିଥିଲେ । ରାଉରକେଲା ଏସପିଙ୍କ ସହିତ ବରିଷ୍ଠ ପୋଲିସ୍ ଅଧିକାରୀ ଘଟଣାସ୍ଥଳରେ ପହଁଚି ପରିସ୍ଥିତି ଉପରେ ନଜର ରଖିବା ସହିତ ଘଟଣାର ତଦନ୍ତ ଚଳାଇଛନ୍ତି । ଏହି ଘଟଣା ପରେ କିଛି ପୋଲିସ୍ କର୍ମଚାରୀ ଆହତ ହୋଇଥିବା ଜଣାପଡିଛି ।