ମୋଦିଙ୍କ ବାରିପଦା ଗସ୍ତ ସରିଛି। ଖୋର୍ଦ୍ଧା ଭଳି ଏଠାରେ ମଧ୍ୟ ନବୀନ ଓ ବିଜେଡିକୁ ନେଇ ନିରବ ରହିଥିଲେ ମୋଦି। ତେବେ ଆଜି କଂଗ୍ରେସ ଉପରେ ପ୍ରବଳ ବର୍ଷିଲେ। ମଧ୍ୟପ୍ରଦେଶର ବନ୍ଦେ ମାତରମ୍ ପ୍ରସଙ୍ଗରେ କଂଗ୍ରେସକୁ ହମଲା କଲେ। ଏହାସହ ଉଠିଥିଲା ରାଫେଲ ଓ ଅଗସ୍ତାୱେଷ୍ଟଲାଣ୍ଡ ପ୍ରସଙ୍ଗ। ମୋଦି କହିଥିଲେ ଚୋରମାନେ ଚୌକିଦାରଙ୍କୁ ହଟାଇବାକୁ ଷଡ଼ଯନ୍ତ୍ର କରୁଛନ୍ତି।
ନବୀନ ଓ ବିଜେଡି ବିଷୟରେ କହି ନଥିଲେ ମଧ୍ୟ, ମହିଳା ସଶକ୍ତୀକରଣ ପ୍ରସଙ୍ଗରେ ପରୋକ୍ଷରେ ରାଜ୍ୟ ସରକାରଙ୍କୁ ସମାଲୋଚନା କଲେ। ପିପିଲି ଗଣଦୁଷ୍କର୍ମ ଘଟଣାରେ ମୋଦି କହଥିଲେ, ପୀଡ଼ିତାଙ୍କ ପରିବାରକୁ ନ୍ୟାୟ ମିଳିନାହିଁ। ଏ ଘଟଣାରେ ସରକାର ପୁନଃ ଯାଞ୍ଚ କରିବା ଆବଶ୍ୟକ ବୋଲି କହିଥିଲେ ମୋଦି। ଏହି ସଭାରେ ମୋଦି କଂଗ୍ରେସକୁ ଯେଉଁ ଭଳି ପ୍ରହାର କଲେ, ସେ ତୁଳନାରେ ବିଜେଡି ପ୍ରତି କେବଳ ପରୋକ୍ଷରେ ସମାଲୋଚନା କଲେ।