ଭୁବନେଶ୍ବର: କରୋନା ନେଇ ସତର୍କତା । ଆଜିଠୁ ରାଜଧାନୀରେ ସନ୍ଧ୍ୟା ପରେ ବନ୍ଦ ହେବ ହାଟ । ସକାଳ ୬ଟାରୁ ସନ୍ଧ୍ୟା ୬ଟା ଯାଏ ସମସ୍ତ ହାଟ ଖୋଲା ରହିବ । କରୋନା ସତର୍କତା ପାଇଁ ଏପରି ପଦକ୍ଷେପ ନିଆଯାଇଛି । ଆଜିଠୁ ଏହି ନିୟମ ଲାଗୁ ହେବ । ୟୁନିଟ-୧, ୟୁନିଟ-୨, ରୁଚିକା ମାର୍କେଟ, ଇନ୍ଦ୍ରଧନୁ ମାର୍କେଟ ଓ ଡମଣା ହାଟ ବନ୍ଦ ରହିବ । ସନ୍ଧ୍ୟା ସମୟରେ ହାଟରେ ଭିଡ ନିୟନ୍ତ୍ରଣ କରିବା ପାଇଁ ବିଏମ୍ସି ପକ୍ଷରୁ ଏଭଳି କଟକଣା ଲଗାଇଛି । ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଏହି କଟକଣା ବଳବତ୍ତର ରଖାଯିବ ।