ଲୋକସେବା ଭବନରେ କେନ୍ଦ୍ରୀୟ ଟିମ୍ର ସମୀକ୍ଷା, ବାତ୍ୟା ପରେ ବିଦ୍ୟୁତ ପୁନରୁଦ୍ଧାର କାମକୁ ନେଇ ରାଜ୍ୟ ସରକାରଙ୍କୁ ପ୍ରଶଂସା
ଭୁବନେଶ୍ବର(କେନ୍ୟୁଜ୍): ବାତ୍ୟା ବୁଲବଲ ପ୍ରଭାବିତ ଅଞ୍ଚଳରେ ବ୍ୟାପକ ପରିମାଣର ଫସଲ ନଷ୍ଟ ହୋଇଛି । କେତେକ ଅଞ୍ଚଳରେ କିଛି ଘର ଭାଙ୍ଗିଛି । ଲୋକସେବା ଭବନରେ କେନ୍ଦ୍ରୀୟ ଟିମ୍ର ସମୀକ୍ଷା ବୈଠକ ପରେ ଏଭଳି ସୂଚନା ଦେଇଛନ୍ତି ୭ଜଣିଆ କେନ୍ଦ୍ରୀୟ ଟିମ ମୁଖ୍ୟ । ଗତ ଦୁଇ ଦିନ ହେଲା କେନ୍ଦ୍ର ଗୃହ ମନ୍ତ୍ରାଳୟର ଯଗ୍ମ ସଚିବଙ୍କ ନେତୃତ୍ୱରେ ୭ ଜଣିଆ କେନ୍ଦ୍ରୀୟ ଟିମ୍ ୪ଟି ପ୍ରଭାବିତ ଜିଲ୍ଲା ବାଲେଶ୍ୱର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର ବୁଲି ସ୍ଥିତି ଅନୁଧ୍ୟାନ କରିଛି । ଏ ନେଇ ସବିଶେଷ ତଥ୍ୟ କେନ୍ଦ୍ର ସରକାରଙ୍କୁ ଦିଆଯିବ । ବାତ୍ୟା ପରେ ବିଦ୍ୟୁତ ପୁନରୁଦ୍ଧାର କାମକୁ ନେଇ ରାଜ୍ୟ ସରକାରଙ୍କୁ ପ୍ରଶଂସା କରିଛନ୍ତି କେନ୍ଦ୍ରୀୟ ଟିମ୍। ଆସନ୍ତା ସପ୍ତାହ ଶେଷ ସୁଦ୍ଧା କେନ୍ଦ୍ରକୁ ରାଜ୍ୟ ସରକାର ଏକ ସ୍ମାରକପତ୍ର ଦେବେ ବୋଲି କହିଛନ୍ତି ସ୍ୱତନ୍ତ୍ର ରିଲିଫ କମିଶନର।
