ରାଜ୍ୟରେ ୧ହଜାର ଟପିଲା କରୋନା ଆକ୍ରାନ୍ତଙ୍କ ସଂଖ୍ୟା, ୨୪ଘଣ୍ଟାରେ ଆଉ ନୂଆ ୭୪ ପଜିଟିଭ୍ ୧ ମୃତ୍ୟୁ
କେନ୍ୟୁଜ ବ୍ୟୁରୋ: ରାଜ୍ୟରେ ୧ହଜାର ଟପିଲା ଆକ୍ରାନ୍ତଙ୍କ ସଂଖ୍ୟା । ଗତ ୨୪ଘଣ୍ଟାରେ ଆଉ ନୂଆ ୭୪ ପଜିଟିଭ୍ ଚିହ୍ନଟ ହୋଇଛନ୍ତି। ଜଣଙ୍କର ମୃତ୍ୟୁ ହୋଇଛି। ନୂଆ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ସଂଖ୍ୟା ୧୦୫୨ରେ ପହଞ୍ଚିଛି। ନୂଆ ଜିଲ୍ଲା ଭାବେ ମାଲକାନଗିରରୁ ୨ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ୭୪ ଆକ୍ରାନ୍ତଙ୍କ ମଧ୍ୟରୁ ବୌଦ୍ଧରେ ସର୍ବାଧିକ ୨୮, ପୁରୀରେ ୧୧, କଟକରେ ୯, ଖୋର୍ଦ୍ଧାରେ ୭ ଗଞ୍ଜାମ ଓ ଯାଜପୁରରୁ ୬ଜଣ ଲେଖାଏଁ ଚିହ୍ନଟ ହୋଇଛନ୍ତି ।
କେନ୍ଦ୍ରାପଡ଼ାରୁ ୨ ବାଲେଶ୍ୱର , ଢେଙ୍କାନାଳ ଓ କନ୍ଧମାଳରୁ ଜଣେ ଲେଖାଏଁ ସଂକ୍ରମିତ ହୋଇଛନ୍ତି। ୭୪ରୁ ୭୨ଜଣ କ୍ୱାରେଣ୍ଚାଇନ୍ରେ ଥିଲେ। ସେପଟେ ଖୋର୍ଦ୍ଧା ଜିଲ୍ଲାର ଜଣେ ୭୦ ବର୍ଷୀୟ ବୃଦ୍ଧଙ୍କ ମୃତ୍ୟୁ ହୋଇଛି। ସେ ଏମ୍ସରେ ଚିକିତ୍ସିତ ହେଉଥିଲେ। ଏହାକୁ ମିଶାଇ ରାଜ୍ୟରେ ମୃତ୍ୟୁ ସଂଖ୍ୟା ୬ରେ ପହଞ୍ଚିଛି।
