ଟିଟିଲାଗଡ଼ (କେ ନ୍ୟୁଜ୍) : ଜମି ବିବାଦରୁ ସାନଭାଇକୁ ମାରି ଶୁଆଇ ଦେଲା ବଡ଼ ଭାଇ । ବଲାଙ୍ଗିର ଜିଲ୍ଲା ସଇଁତଲା ଥାନା ବଡ଼ମାଲ ଫାଣ୍ଡି ଅଞ୍ଚଳରେ ଘଟିଛି ଏହି ଘଟଣା ।
ଏଠାକାର ବଡ଼ମାଲ ଗାଁରେ ଜମି ବିବାଦକୁ ନେଇ ଦୁଇ ଭାଇ ଦେବେରାଜ ଭୋଇ ଓ ଟିକେଚନ ଭୋଇ ମଧ୍ୟରେ ଗଣ୍ଡଗୋଳ ହୋଇଥିଲା। ବଡ଼ ଭାଇ ଟିକେଚନ ରାଗିଯାଇ ବାଡ଼ିରେ ମାଡ଼ ମାରିବା ସହ ସାନଭାଇ ବେକରେ ଗାମୁଛା ଭିଡ଼ି ଦେବାରୁ ଘଟଣା ସ୍ଥଳରେ ଦେବେରାଜର (୪୫) ମୃତ୍ୟୁ ଘଟିଛି । ଏ ନେଇ ସଇଁତଲା ଥାନାରେ ଅଭିଯୋଗ ହୋଇଛି.।
ହତ୍ୟାକାଣ୍ଡ ସମ୍ପର୍କରେ ସୂଚନା ପାଇ ବଡ଼ମାଲ ପୋଲିସ ଓ ସଇଁତଲା ପୋଲିସ ଘଟଣା ସ୍ଥଳରେ ପହଞ୍ଚି ଥିଲା । ଦେବେରାଜର ଶବ ଜବତ କରିବା ସହ ଟିକେଚନକୁ ପୋଲିସ ଅଟକ ରଖିଥିବା ଜଣାପଡିଛି।