ପାରାଦୀପ ପୋର୍ଟ ହସ୍ପିଟାଲ ଷ୍ଟାଫ ନର୍ସଙ୍କ ମୃତ୍ୟୁକୁ ନେଇ ଉତ୍ତେଜନା; ମାରି ଦିଆଯାଇଥିବା ଅଭିଯୋଗ କଲେ ଉତ୍ତ୍ୟକ୍ତ ଲୋକେ
ପାରାଦୀପ (କେନ୍ୟୁଜ): ପାରାଦୀପ ପୋର୍ଟ ହସ୍ପିଟାଲ ଷ୍ଟାଫ ନର୍ସଙ୍କ ମୃତ୍ୟୁକୁ ନେଇ ଉତ୍ତେଜନା । ଷ୍ଟାଫ ନର୍ସ ନିବେଦିତା ଜେନାଙ୍କୁ ମାରି ଦିଆଯାଇଥିବା ଅଭିଯୋଗ କରି ଶତାଧିକ ଲୋକ ହସ୍ପିଟାଲ ଘେରାଉ କରିଛନ୍ତି । ହସ୍ପିଟାଲ ସମ୍ମୁଖରେ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ପୋଲିସ ଓ ସିଆଇଏସ୍ଏଫ୍ ଉପସ୍ଥିତ ଅଛନ୍ତି । ଅଭିଯୋଗ ଅନୁଯାୟୀ, ଗତ ୮ ମାସ ତଳେ ପୋର୍ଟ ହସ୍ପିଟାଲରେ ଜଣେ ନର୍ସଙ୍କୁ ଜଣେ ଡାକ୍ତର ଅସଦାଚରଣ କରିଥିଲେ । ଯାହାକୁ ନେଇ ଏକ କମିଟି ଗଠନ କରାଯାଇ ତଦନ୍ତ ଚାଲିଥିଲା।
ଗତ ୪ଦିନ ତଳେ କମିଟି ଅଭିଯୋଗ ଆଣିଥିବା ନର୍ସ ଓ ତାଙ୍କ ସାଥୀରେ ଥିବା ଏକାଧିକ ନର୍ସଙ୍କୁ ତଦନ୍ତ ପାଇଁ ଡାକି ମାନସିକ ନିର୍ଯାତନା ଦେଇଥିବା ଅଭିଯୋଗ ହୋଇଛି। ନିବେଦିତାଙ୍କ ମୃତ୍ୟୁ ନେଇ ମୁଖ୍ୟ ଚିକିତ୍ସା ଅଧିକାରୀଙ୍କୁ ଗିରଫ ସହ ତାଙ୍କୁ ସହଯୋଗ କରୁଥିବା ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି।
