ଭଦ୍ରକ(କେନ୍ୟୁଜ୍): ଭଦ୍ରକ ଜିଲ୍ଲା ଆଗରପଡ଼ା ଅଗିରାଗଡ଼ିଆ ଗାଁରେ ଭୟାବହ ଅଗ୍ନିକାଣ୍ଡ । ଆଗରପଡ଼ା ଥାନା ଅଧୀନସ୍ଥ ଆଡିଆ ପଂଚାୟତର ଅଗିରାଗଡିଆ ଗାଁରେ ଭୟାନକ ଅଗ୍ନିକାଣ୍ଡ ଘଟିଛି। ୩ଟି ପରିବାରର ୧୫ ବଖରା ଘର ପୋଡ଼ି ଜଳି ପାଉଁଶ ହେବା ସହ ୫ ଗୋରୁ , ୧୦ ଗୋଟି ଛେଳି ଜୀବନ୍ତ ଦଗ୍ଧ ହୋଇଯାଇଛି। ଗତକାଲି ବିଳମ୍ବିତ ରାତିରେ ଗାଁର ଶମ୍ବୁନାଥ ନାୟକଙ୍କ ଘରେ ବିଦ୍ୟୁତ୍ ସର୍ଟ ସର୍କିଟ୍ ଯୋଗୁ ନିଆଁ ଲାଗି ଯାଇଥିଲା। ଖବର ପାଇ ଆଗରପଡ଼ା ଦମକଳବାହିନୀ ଯାଇ ନିଆଁକୁ ଆୟତ୍ତ କରିଛନ୍ତି।