କେନ୍ଦୁଝର(କେନ୍ୟୁଜ୍) : କେନ୍ଦୁଝର ଜିଲ୍ଲା ଘଟଗାଁର ଯୁବ ସାମ୍ବାଦିକ ଦିଲ୍ଲୀପ ମିଶ୍ର ଆତ୍ମହତ୍ୟା କରିଥିବା ଜଣାଯାଇଛି । ଉପରଡିହା ସ୍ଥିତ ନିଜ ଘରେ ସେ ବିଳମ୍ବିତ ରାତିରେ ରଶି ଲଗାଇ ଆତ୍ମହତ୍ୟା କରିଛନ୍ତି ।
ଘଟଣାସ୍ଥଳରୁ ପୋଲିସ ଏକ ସୁଇସାଇଡ ନୋଟ ଜବତ କରିଛି । କିଛି ଦିନ ହେଲା ମାନସିକ ସ୍ତରରେ ଦୁର୍ବଳ ହୋଇଯାଇଥିବା ନୋଟରେ ଲେଖା ରହିଛି । ଦିଲ୍ଲୀପ ଜଣେ ମେଳାପୀ ଯୁବକ ଥିଲେ ।
ଦୀର୍ଘ ୧୧ ବର୍ଷ ଧରି ସେ ଏକ ଘରୋଇ ଚ୍ୟାନେଲରେ ଆଞ୍ଚଳିକ ରିପୋର୍ଟର ଭାବେ କାମ କରୁଥିଲେ । ତାଙ୍କ ବିୟୋଗରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି । କେଉଁ ପରିସ୍ଥିତିରେ କାହିଁକି ସେ ଆତ୍ମହତ୍ୟା କଲେ ଜଣାପଡ଼ିନାହିଁ । ତଦନ୍ତ ଜାରି ରହିଛି ।