ଚିଙ୍ଗୁଡି ଫ୍ୟାକ୍ଟ୍ରିରେ କାମ କରିବାକୁ କହି ବାଙ୍କୀ କଦଳିବାଡି ପଞ୍ଚାୟତର ୫ ଜଣ ନାବାଳିକାଙ୍କୁ ବନ୍ଧକ: ଖସି ଆସିଲେ ୪, ଫସିରହିଛି ଜଣେ
ବାଙ୍କୀ : ଆନ୍ଧ୍ରପ୍ରଦେଶରେ ନାବାଳିକା ବନ୍ଧକ । ଚିଙ୍ଗୁଡି ଫ୍ୟାକ୍ଟ୍ରିରେ କାମ କରିବାକୁ କହି କାକଟପୁର ଅଞ୍ଚଳର ଜଣେ ମହିଳା ବାଙ୍କୀ ଥାନା କଦଳିବାଡି ପଞ୍ଚାୟତର ୫ ଜଣ ନାବାଳିକାଙ୍କୁ ନେଇଥିଲା । ତେବେ ନିର୍ଯାତନା ସହିନପାରି ୪ ଜଣ ନାବାଳିକା ଖସି ଆସିଥିବା ବେଳେ ଜଣେ ଫସି ଯାଇଥିଲେ ।
ଆଉ ନାବାଳିକାକୁ ଏକ ବନ୍ଦ ଘରେ ବନ୍ଧକ ଅବସ୍ଥାରେ ରଖାଯାଇଥିବାର ଖବର ଦେଇଥିଲେ ଫେରି ଆସିଥିବା ନାବାଳିକା । ବର୍ତ୍ତମାନ ନାବାଳିକାକୁ ଛାଡ଼ିବା ବଦଳରେ ଧମକ ଦେବା ସହ ୧୦ ହଜାର ଟଙ୍କା ମାଗିଛି ମହିଳା ଦଲାଲ ଜଣକ । ଏନେଇ ନାବାଳିକାଙ୍କ ମାଆ ସୁବର୍ଣ୍ଣପୁର ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି ।
