ମାଲକାନଗିରି (କେନ୍ୟୁଜ୍) : ଏଣିକି ମାଲକାନଗିରିରେ ଆରମ୍ଭ ହେବ ବାୟୁ ସ୍ୱାସ୍ଥ୍ୟ ସେବା। ପ୍ରତି ମାସରେ ଚାରି ଜଣ ସୁପର ସ୍ପେସିଆଲିଷ୍ଟମାନେ ଏଠାକୁ ଆସିବେ ହେଲିକେପ୍ଟର ଯୋଗେ । ଏହି ସୁପର ସ୍ପେସିଆଲିଷ୍ଟମାନେ ମାଲକାନଗିରି ମେଡିକାଲକୁ ଆସି ଅସ୍ତ୍ରୋପଚାର କରିବେ।
ବିଶେଷକରି କିଡନି,ୟୁରୋଲୋଜି,କାର୍ଡିଅଲୋଜି ଭଳି ଗୁରୁତର ରୋଗୀଙ୍କ ଚିକିତ୍ସା କରାଯିବ ବୋଲି ଜଣାପଡିଛି। ଆଜି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ କୁମାର ମହାପାତ୍ରଙ୍କ ନେତୃତ୍ୱରେ ୪ ଜଣିଆ ପ୍ରତିନିଧି ଦଳ ମାଲକାନଗିରି ମେଡିକାଲ ପରିଦର୍ଶନରେ ଆସି ଅନୁଧ୍ୟାନ କରିଛନ୍ତି ।