ରାଜ୍ୟରେ ଗତ ୨୪ ଘଣ୍ଟାରେ ୭ ହଜାର ୩୯୫ ପଜିଟିଭ୍ ଚିହ୍ନଟ, ୪୦ ମୃତ
ଭୁବନେଶ୍ବର: ରାଜ୍ୟରେ ୧୦ ପ୍ରତିଶତକୁ ଖସିଲା ସଂକ୍ରମଣ। ଆଜି ପଜିଟିଭିଟି ରେଟ୍ ରହିଛି ୧୦.୫୧ ପ୍ରତିଶତ । ଗତ ୪ଦିନରେ ପ୍ରାୟ ୪ ପ୍ରତିଶତ ସଂକ୍ରମଣ ଖସିଛି। ଜୁନ୍ ୧ରେ ପଜିଟିଭିଟି ହାର ଥିଲା ୧୪.୦୨ ପ୍ରତିଶତ । ଗତ ୨୪ ଘଣ୍ଟାରେ ୭ ହଜାର ୩୯୫ ପଜିଟିଭ୍ ଚିହ୍ନଟ ହୋଇଛନ୍ତି । ଆଉ ୪୦ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି।
୨୪ ଘଣ୍ଟାରେ ୭୦ ହଜାର ୩୧୩ ଟେଷ୍ଟିଂ ହୋଇଛି। ସେପଟେ ରାଜ୍ୟରେ ୮ ଲକ୍ଷ ପାର କରିଛି ଆକ୍ରାନ୍ତଙ୍କ ସଂଖ୍ୟା। ଟପ୍ ୫ ଜିଲ୍ଲାରେ ଅଛନ୍ତି ଖୋର୍ଦ୍ଧା, କଟକ, ଯାଜପୁର ଅନୁଗୁଳ ଓ ମୟୂରଭଞ୍ଜ। ଖୋର୍ଦ୍ଧାରୁ ସର୍ବାଧିକ ୧ ହଜାର ୬୯ ଆକ୍ରାନ୍ତ ହୋଇଛନ୍ତି। କଟକରୁ ୮୬୮, ଯାଜପୁରରୁ ୫୧୬, ଅନୁଗୁଳରୁ ୪୪୩ ଓ ମୟୂରଭଞ୍ଜରୁ ୩୮୪ ନୂଆ କେସ୍ ରହିଛି। କେବଳ ଏହି ୫ ଜିଲ୍ଲାରୁ ୩ ହଜାର ୨୮୦ ରହିଛି କରୋନା କେସ୍। ୯ ଜିଲ୍ଲାରେ ୧୦୦ ତଳେ ରହିଛି ସଂକ୍ରମଣ। ରାଜ୍ୟରେ ରେଡ ଜୋନ୍ରେ ରହିଛି ୧୩ ଜିଲ୍ଲା ।
ଗତକାଲି ୨୩ ଜିଲ୍ଲା ଥିଲା ରେଡ୍ ଜୋନରେ । ୪୮ ଘଣ୍ଟାରେ ୨୫ ରେଡ ଜୋନ୍ ଜିଲ୍ଲାକୁ ୧୩କୁ ଖସିଲା। ୟେଲୋ ଜୋନରେ ୧୦ ଜିଲ୍ଲା ଥିବାବେଳେ ୭ ଜିଲ୍ଲା ଗ୍ରୀନ ଜୋନରେ । ରାଜ୍ୟରେ ଆକ୍ଟିଭ୍ କେସ୍ ୭୮ ହଜାର ୬୮୭ ରହିଛି। ମୋଟ ମୃତ୍ୟୁସଂଖ୍ୟା ୨୯ ଶହ ୫୨କୁ ବୃଦ୍ଧି ପାଇଛି।
