ଖୋଜିଲେ ବାହାରୁଛି ବିପୁଳ ଗଞ୍ଜେଇ ଚାଷ, ଗଞ୍ଜାମ ପାଲଟି ଯାଇଛି ଏବେ ଗଞ୍ଜେଇ ଗନ୍ତାଘର
ଗଞ୍ଜାମ(କେନ୍ୟଜ୍): ଗଞ୍ଜେଇ ସନ୍ଧାନ ରେ ପୋଲିସ ଓ ଅବକାରୀ ବିଭାଗ । ଗଛ ପରେ ଗଛକୁ ନଷ୍ଟ କରାଯାଉଛି । ଘର ବାରିପଟ, ଜମିରେ ଓ ପାହାଡରେ ସବୁଠି ଗଞ୍ଜେଇ ଗଛ। ଦକ୍ଷିଣ ଓଡିଶାର ବିଭିନ୍ନ ଜିଲ୍ଲାରେ ଗଞ୍ଜେଇ ଗଛକୁ ନଷ୍ଟ ସାଙ୍ଗକୁ କୋଟି କୋଟି ଟଙ୍କାର ଗଞ୍ଜେଇ ଜବତ କରାଯାଉଥିବା ବେଳେ ଗଞ୍ଜାମ ଜିଲ୍ଲାରେ ମଧ୍ୟ ପାହାଡିଆ ଅଞ୍ଚଳରେ ଗଞ୍ଜେଇ ର ଗନ୍ତାଘର ପାଲଟି ଯାଇଥିବା ଦେଖିବାକୁ ମିଳିଛି ।
୭ ତାରିଖରେ ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ କୃଷ୍ଣପୁର ଗାଁକୁ ଲାଗିରହିଥିବା ଶହେ ଏକର ଜମିରେ ଚାଷ ହୋଇଥିବା ଗଞ୍ଜେଇ ଗଛକୁ ନଷ୍ଟ କରିଥିବା ବେଳେ ଗାଁରେ ଥିବା ସତର ଗୋଟି ଘର ସର୍ଚ୍ଚ କରାଯାଇଥିବା । ଏହି ଘରେ ସବୁ ବାହାରକୁ ଚାଲାଣ ପାଇଁ ଗଚ୍ଛିତ ଥିବା ତିରିଶି କୁଇଣ୍ଟାଲ ଗଞ୍ଜେଇ ଜବତ କରାଯାଇଥିଲା ।ଯାହାକୁ ଦେଖି ବିଭାଗର ହୋସ୍ ଉଡିଯାଇଥିଲା ।
ଏହି ଘଟଣା ପରେ ସେହି ଅଞ୍ଚଳରେ ଥିବା ଗାଁ ଗୁଡିକରେ ସର୍ଚ୍ଚ କରିବା ପାଇଁ ନିଷ୍ପତ୍ତି ନେଇଥିଲେ ଗଞ୍ଜାମ ପୋଲିସ ଓ ଅବକାରୀ ବିଭାଗ । ଆଜି ଶୁକ୍ରବାର ପୁଣି ଦୁଇ ପ୍ଲାଟୁନ ପୋଲିସ ଫୋର୍ସ ନେଇ କୃଷ୍ଣପୁର ଗାଁକୁ ଲାଗିରହିଥିବା କେ.ନୂଆଗଡ ଗାଁରେ ପହଞ୍ଚିଥିଲେ। ଗାଁକୁ ଲାଗି ରହିଥିବା ପାଖ ଜମିରେ ଗଞ୍ଜେଇ ଗଛ ଦେଖି ପୋଲିସ ଓ ଅବକାରୀ ଛାନିଆ ହୋଇଯାଇଥିଲେ। ତିରିଶି ଏକରରୁ ଉର୍ଦ୍ଧ୍ବ ଜମିରେ ପ୍ରାୟ ୯୦ ହଜାର ଗଞ୍ଜେଇ ଗଛ କାଟି ଜାଳିଦେଇ ଥିଲେ ।
ଅବକାରୀ ଗୋଇନ୍ଦା ବିଭାଗ ଅଧିକାରୀ କହିଛନ୍ତି, ଲୋକ ମାନେ ଗଞ୍ଜେଇ ଚାଷ କରନ୍ତୁ ନାହିଁ କାରଣ ଏଥିରେ ଧରା ହେଲେ ଦଣ୍ଡ ବିଧାନ କଡାକଡି ରହିଛି ତେବେ ଏହି ଦୁଇ ଘଟଣା ପରେ କାହାକୁ ଗିରଫ କରାଯାଇ ନାହିଁ । ତେଣୁ ଏହାର ମୁଖ୍ୟ କାର୍ପଟଦାରଙ୍କୁ ଖୋଜି ବାହାର କରିବା ଉଭୟ ବିଭାଗ ପାଇଁ ଚାଲେଞ୍ଜ୍ ହୋଇଛି ।
