ଜଗତପୁର ଶିଳ୍ପାଞ୍ଚଳରେ ପୁଣି ନକଲି ଜର୍ଦ୍ଦା କାରଖାନା ଠାବ: ୧୦ଲକ୍ଷ ଟଙ୍କାରୁ ଉର୍ଦ୍ଧ୍ୱ ଗୁଟଖା,ପାନ ମସଲା ସହ ଯନ୍ତ୍ରାଂଶ ଜବତ
କଟକ : କଟକ ଜଗତପୁର ଶିଳ୍ପାଞ୍ଚଳରେ ପୁଣି ନକଲି ଜର୍ଦ୍ଦା କାରଖାନା ଠାବ। କମିସନରେଟ ପୋଲିସ ଓ ଜଗତପୁର ଥାନା ଚଢଉ କରି ଲକ୍ଷାଧିକ ଟଙ୍କାର ନକଲି ଗୁଟଖା ଜବତ କରିଛନ୍ତି।
ଏହାସହ ୧୦ଲକ୍ଷ ଟଙ୍କାରୁ ଉର୍ଦ୍ଧ୍ୱ ଗୁଟଖା ଜର୍ଦ୍ଦା, ପାନ ମସଲା ସହ ଯନ୍ତ୍ରାଂଶ ଜବତ କରାଯାଇଛି। ତେବେ ଏହି ଘଟଣାରେ କାହାକୁ ଗିରଫ କରାଯାଇପାରିନାହିଁ। ପୋଲିସ ଚଢଉ ପୂର୍ବରୁ ଖବର ପାଇ ସେଠାରେ କାର୍ଯ୍ୟ କରୁଥିବା ଲୋକମାନେ ଚମ୍ପଟ ମାରିଥିବା ପୋଲିସ କହିଛି।
