ଆସନ୍ତାକାଲି ଠାରୁ ରାଜ୍ୟ ବିଭିନ୍ନ ଜିଲ୍ଲାରେ ଘଡ଼ଘଡ଼ି ସହ ବର୍ଷା, ଆଞ୍ଚଳିକ ପାଣିପାଗ ବିଭାଗର ଆକଳନ ଦୁଇଦିନ ଧରି ରହିବ ଏମିତି ପାଗ
ଭୁବନେଶ୍ବର(କେନ୍ୟୁଜ୍): ଆସନ୍ତାକାଲି ଠାରୁ ରାଜ୍ୟକୁ ଭିଜାଇବ ବର୍ଷା। ୨୮ ଓ ୨୯ ତାରିଖ ଦୁଇଦିନ ଧରି ରାଜ୍ୟର କେତେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ଆଞ୍ଚଳିକ ପାଣିପାଗ ବିଭାଗ ଆକଳନ କରିଛି। ଆସନ୍ତାକାଲି ଠାରୁ ଉତ୍ତର ଓଡ଼ିଶାର ସମସ୍ତ ଜିଲ୍ଲା ସହ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ଘଡ଼ଘଡ଼ି ସହ ମଧ୍ୟମ ଧରଣର ବର୍ଷା ହେବ ବୋଲି କୁହାଯାଇଛି। ସେହିପରି ୨୯ ତାରିଖରେ ମଧ୍ୟ କେତେକ ସ୍ଥାନରେ ବର୍ଷା ହେବ ବୋଲି କୁହାଯାଇଛି। ୩୦ତାରିଖରୁ ପାଗରେ ପରିବର୍ତ୍ତନ ହେବ। ଥଣ୍ଡା ବଢିବା ସହ ରାତିର ତାପମାତ୍ରା କମିବ। ଏହାସହ କେତେକ ସ୍ଥାନରେ ଘନ କୁହୁଡ଼ି ମଧ୍ୟ ରହିବ ବୋଲି ପାଣିପାଗ ବିଭାଗ କହିଛି।
