ଭଦ୍ରକ(କେନ୍ୟୁଜ୍) : ଭଦ୍ରକ ଜିଲ୍ଲା ଚାନ୍ଦବାଲି ଦୁର୍ଗା ମନ୍ଦିରରୁ ଲୁଟ୍ ଅଭିଯୋଗ । ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟି ନେଇଛନ୍ତି ଦୁର୍ବୃତ୍ତ । ଗତକାଲି ବିଳମ୍ବିତ ରାତିରେ କେହି ଦୁର୍ବୃତ୍ତ ମନ୍ଦିରରେ ପଶି ମାଆଙ୍କ ରୂପା ମୁକୁଟ, ଖଣ୍ଡା ଓ ସୁନା ଅଳଙ୍କାର ଲୁଟି ନେଇଛି।
ଏଥିସହ ଦାନ ବାକ୍ସରୁ ମଧ୍ୟ ଟଙ୍କା ନେଇଯାଇଥିବା ଅଭିଯୋଗ ହୋଇଛି। ଆଜି ସକାଳେ ମନ୍ଦିର ପୂଜକ ମନ୍ଦିରର ଗ୍ରୀଲ ଭଙ୍ଗାଯାଇଥିବା ଦେଖିଥିଲେ । ପରେ ଚାନ୍ଦବାଲି ପୋଲିସ ପହଂଚି ଛାନଭିନ୍ ଆରମ୍ଭ କରୁଛି।