ନିଶାସକ୍ତ ଅବସ୍ଥାରେ ସ୍ତ୍ରୀକୁ ମାରି ଘରପଛ ବିଲରେ ପକାଇଲା ସ୍ୱାମୀ
ଗଞ୍ଜାମ (କେନ୍ୟୁଜ): ଗଞ୍ଜାମ ଜିଲ୍ଲା ପାଟପୁର ଥାନା ଜୁରା ଗାଁରେ ଅଭାବନୀୟ ଘଟଣା । ସ୍ୱାମୀ ସ୍ତ୍ରୀକୁ ମାରି ଜମିରେ ଫୋପାଡିଦେଇଥିବା ଅଭିଯୋଗ ହୋଇଛି । ଜୁରା ଗାଁ ବଡ଼ ସାହିର ନାରାୟଣ ସାହୁ ସେହି ଗାଁର ଜୟନ୍ତୀ ସାହୁଙ୍କୁ ପ୍ରାୟ ଚଉଦ ବର୍ଷ ପୂର୍ବରୁ ବିବାହ କରିଥିଲେ । ନାରାୟଣ ଅନେକ ସମୟରେ ମଦ ପିଇ ସ୍ତ୍ରୀ ସହ ଝଗଡା କରୁଥିଲେ ।
ଆଜି ସକାଳୁ ଜୟନ୍ତୀଙ୍କ ମୃତଦେହ ଜମିରେ ପଡ଼ିଥିବା ଗ୍ରାମବାସୀ ଦେଖିବାକୁ ପାଇଥିଲେ । ଗ୍ରାମବାସୀ ନାରାୟଣକୁ ଧରି ପୋଲିସ ଖବର ଦେଇଥିଲେ । ପୋଲିସ ନାରାୟଣକୁ ଗିରଫ କରି ତଦନ୍ତ ଆରମ୍ଭ କରିଛି ।
