ଭୁବନେଶ୍ବର: ନନ୍ଦନକାନନ ପ୍ରାଣୀ ଉଦ୍ୟାନର ବାଘ ସଫାରୀ ମଧ୍ୟରେ ରହିଥିବା ସାଧାରଣ ନାଲି ରଙ୍ଗ ବାଘୁଣୀ ’ଆନିନୀ’ (୬)ର ମୃତ୍ୟୁ । ପ୍ରାୟ ଏକ ମାସ ଧରି ସେ ଅସୁସ୍ଥ ଥିଲା। ତେଣୁ କିଛି ବି ଖାଉନଥିଲା।
ଯାହାଫଳରେ ଅତି ଦୁର୍ବଳ ହୋଇପଡିବା ସହିତ ତାର ରକ୍ତରେ ହେମୋଗ୍ଲୋବିନ୍ କମି କମି ଯାଉଥିଲା। ତାକୁ ନନ୍ଦନକାନନର ପ୍ରାଣୀ ଚିକିତ୍ସକମାନେ ଯେତେ ଔଷଧ ଓ ପ୍ରତିଷେଧକ ଦେଇ ଚିକିତ୍ସା କଲେ ମଧ୍ୟ ତାର ସ୍ବାସ୍ଥ୍ୟ ଅବସ୍ଥାରେ କୌଣସି ପରିବର୍ତ୍ତନ ଆସୁ ନଥିଲା। ଏହାପରେ ଓୟୁଏଟିରୁ ବୈଷୟିକ କମିଟର ବିଶେଷଜ୍ଞ ସ୍ବାସ୍ଥ୍ୟ ନିରୀକ୍ଷଣ କରିଥିଲେ।
ସୂଚନା ଥାଉକି, ଗତ ୨୦୧୪ ମସିହା ଜୁଲାଇ ମାସ ୨୮ ତାରିଖରେ ‘ମନିଷ’ ଓ ଧଳା ବାଘୁଣୀ ’ସ୍ନେହା’ଙ୍କ ମିଳନରୁ ‘ଆନିନୀ’ ଜନ୍ମଲାଭ କରିଥିଲା।