ଛେଳି ଚୋରି ବେଳେ ଦୁଇ ଯୁବକଙ୍କୁ ମାଡ ମାରିବା ସହ ବାନ୍ଧିଲେ ଗାଁଲୋକ
ଉଦଳା(କେନ୍ୟୁଜ): ଛେଳି ଚୋରି ବେଳେ ଦୁଇ ଯୁବକଙ୍କୁ ମାଡ ମାରିବା ସହ ବାନ୍ଧିଲେ ଗାଁଲୋକ । ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଉଦଳା ଥାନା କାଠପାଳ ଗାଁରେ । ଦୁଇ ଜଣ ଯୁବକ ରାଢୋ ଗାଁରୁ ଛେଳି ଚୋରି କରି ଖସି ପଳାଉ ଥିଲେ । ଖବର ପାଇ କାଠପାଳ ଗାଁ ଲୋକ ଉଭୟଙ୍କୁ ଅଟକାଇବା ସହ ଛେଳିକୁ ଉଦ୍ଧାର କରିଥିଲେ ।
ଏହା ପରେ ଦୁଇ ଯୁବକକୁ ବାନ୍ଧି ମାଡ ମାରିଥିଲେ । ଖବର ପାଇ ଉଦଳା ପୋଲିସ୍ ଘଟଣାସ୍ଥଳରେ ପହଂଚି ଉଭୟଙ୍କୁ ଉଦ୍ଧାର କରିବା ସହ ଥାନାକୁ ନେଇଥିଲେ। ଦୁଇ ଯୁବକ ଉଦଳା ଅଂଚଳର ବୋଲି ଜଣାଯାଇଛି ।
