ବିଶ୍ୱ କବି ମହାକୁମ୍ଭର ଉଦଯାପନୀ ସମାରୋହରେ ଓଡ଼ିଆରେ ଅଭିଭାଷଣ ଆରମ୍ଭ କଲେ ଉପରାଷ୍ଟ୍ରପତି, ଓଡ଼ିଶାରେ ଏଭଳି ଆୟୋଜନ ପାଇଁ ଡକ୍ଟର ଅଚ୍ୟୁତ ସାମନ୍ତଙ୍କୁ ପ୍ରଶଂସା
ଭୁବନେଶ୍ବର(କେନ୍ୟୁଜ୍): ବିଶ୍ୱ କବି ମହାକୁମ୍ଭର ଉଦଯାପନୀ ସମାରୋହ । କିଟ୍ ପରିସରରେ ଚାଲିଥିବା ଉଦ୍ଯାପନୀ ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଉପରାଷ୍ଟ୍ରପତି ଭେଙ୍କିୟା ନାଇଡୁ । ଓଡ଼ିଆରେ ଅଭିଭାଷଣ ଆରମ୍ଭ କରିଥିଲେ ଉପରାଷ୍ଟ୍ରପତି । କହିଥିଲେ, ଓଡ଼ିଶାକୁ ଆସି ଅତ୍ୟନ୍ତ ଉଲ୍ଲସିତ । ବିଶ୍ୱ କବି ମହାକୁମ୍ଭରେ ଯୋଗ ଦେଇଥିବାରୁ ଖୁସି । ‘ମୁଁ କବି ନୁହେଁ କିନ୍ତୁ କବିତାକୁ ଭଲ ପାଏ’ ।
ଓଡ଼ିଶାରେ ଏଭଳି କାର୍ଯ୍ୟକ୍ରମର ଆୟୋଜନ କରିଥିବାରୁ ଡକ୍ଟର ଅଚ୍ୟୁତ ସାମନ୍ତଙ୍କୁ ପ୍ରଶଂସା କରିଛନ୍ତି ଭେଙ୍କିୟା । କିଟ୍ ଓ କିସ୍କୁ ମଧ୍ୟ ପ୍ରଶଂସା କରିଛନ୍ତି । ଭାଇଚାରା ସୃଷ୍ଟି କରିବାରେ କବିତା ଏକ ମାଧ୍ୟମ । ଶାନ୍ତିପୂର୍ଣ୍ଣ ସମାଜ ପାଇଁ ବିକାଶ ଆବଶ୍ୟକ ବୋଲି ଭେଙ୍କିୟା କହିଛନ୍ତି । କବିତା ଜରିଆରେ ଶାନ୍ତି ଓ ଖୁସି ଆସିପାରେ । ସାହିତ୍ୟ ଓ କଳା ଦ୍ୱାରା ହିଂସାକୁ ରୋକାଯାଇପାରିବ । କବିତା ସମଗ୍ର ବିଶ୍ୱକୁ ପରିବର୍ତ୍ତନ କରିପାରିବ ବୋଲି ଭେଙ୍କିୟା କହିଛନ୍ତି । ଆଧ୍ୟାତ୍ମିକତା ପାଇଁ ଓଡ଼ିଶାର ସ୍ୱତନ୍ତ୍ର ପରିଚୟ ରହିଛି।
ଉଦ୍ଯାପନୀ ସମାରୋହରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍, କେନ୍ଦ୍ର ପଶୁ ସମ୍ପଦ, ମତ୍ସ୍ୟ ଓ ଗୋପାଳନ ତଥା ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ରାଷ୍ଟ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ମଧ୍ୟ ଯୋଗଦେଇଛନ୍ତି। ୨ ତାରିଖ ମହାତ୍ମା ଗାନ୍ଧୀଙ୍କ ୧୫୦ ତମ ଜୟନ୍ତୀ ଅବସରରେ କିଟ୍ ବିଶ୍ୱବିଦ୍ୟାଳୟରେ ବିଶ୍ୱ କବି ମହାକୁମ୍ଭ ଆରମ୍ଭ ହୋଇଥିଲା । ବିଶ୍ୱ କବି ମହାକୁମ୍ଭରେ ଯୋଗ ଦେଇଛନ୍ତି ବିଶ୍ୱର ୮୨ ଦେଶରୁ ୧ ହଜାର କବି ଓ ପ୍ରତିନିଧି । ସେହିପରି ଓଡ଼ିଶାରୁ ୫ ଶହ କବି କାର୍ଯ୍ୟକ୍ରମରେ ସାମିଲ ହୋଇଛନ୍ତି । ୪ ତାରିଖରେ କୋଣାର୍କ ଓ ୫ ତାରିଖରେ ଆଧ୍ୟାତ୍ମିକ କ୍ଷେତ୍ର ପୁରୀରେ ଆୟୋଜିତ ହୋଇଥିଲା ସମ୍ମିଳନୀ ।
ଉଦ୍ଯାପନୀ ଉତ୍ସବରେ ବିଭିନ୍ନ ଭାଷାରେ ସର୍ବୋକୃଷ୍ଟ କବିଙ୍କ ପୁରଷ୍କୃତ କରାଯାଇଛି। ଇଂରାଜି ଭାଷା ପାଇଁ କବି ନାର୍ ଶର୍ମାଙ୍କୁ ସମ୍ମାନୀତ କରାଯାଇଛି। ସେହିପରି କାଦମ୍ବିନୀ ସମ୍ପାଦିକା ଡକ୍ଟର ଇତି ସାମନ୍ତଙ୍କୁ ସ୍ୱତନ୍ତ୍ର ପୁରସ୍କାର ପ୍ରଦାନ କରାଯାଇଛି।