ସମ୍ବଲପୁର: ହୀରାକୁଦ୍ ଡ୍ୟାମ୍ର ନିଷିଦ୍ଧାଞ୍ଚଳରେ ଫଟୋ ସେସନ୍ । ହୀରାକୁଦ୍ ବନ୍ଧର ଗେଟ୍ ପାଖରେ ଥିବା OHPCର ଛାତ ଉପରେ ବୁଲାବୁଲି ଆଉ ଫଟୋ ଉଠା ଚାଲିଛି । ଆକାଶିଆ ରଙ୍ଗର ସାର୍ଟ ପିନ୍ଧିଥିବା ଜଣେ ବ୍ୟକ୍ତି ଯୁବକ ଯୁବତୀମାନଙ୍କୁ ସାଙ୍ଗରେ ଧରି ବୁଲାଉଛନ୍ତି । ଫଟୋ ସେସନ୍ ପରେ ପୁଣି ଆଉ ଏକ ଦଳଙ୍କୁ ନେଇ ବୁଲାଉଛନ୍ତି ବ୍ୟକ୍ତି, ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହୋଇଛି।
ତେବେ ଏମାନେ କିଏ ଆଉ କାହା ଅନୁମତି ନେଇ ଯାଇଥିଲେ ତାକୁ ନେଇ ଚର୍ଚ୍ଚା ଚାଲିଛି । ଏଠାକାର ସୁରକ୍ଷା ଦାୟିତ୍ୱ OISF ହାତରେ ରହିଛି। ଓଆଇଏସଏଫ୍ର ଅନୁମତି ନେଇ ନା ବିନା ଅନୁମତିରେ ଏମାନେ ବିପଦପୂର୍ଣ୍ଣ ସ୍ଥାନକୁ ଯାଇଥିଲେ ତାହା ସବୁଠୁ ବଡ଼ ପ୍ରଶ୍ନ। ଏ ନେଇ ବନ୍ଧ କର୍ତ୍ତୃପକ୍ଷଙ୍କୁ ପଚାରିବାରୁ ସେ ପ୍ରଶ୍ନକୁ ଏଡ଼ାଇ ଦେଇଛନ୍ତି।