ଜଗା ଦର୍ଶନ ପୂର୍ବରୁ ସ୍ୱର୍ଗଦ୍ୱାର ପାଲଟିଲା ଶେଷ ଠିକଣା, ଆଉ ଏ ଆଖୁ କିଣୁ କିଣୁ ପଛପଟୁ ମାଡିଆସିଲା ଗାଡି
ଲିଙ୍ଗରାଜ ମନ୍ଦିର ସାମ୍ନାରେ ଛିଡା ହୋଇ ପୂଜା ପାଇଁ ଆଖୁ କିଣୁଥିବା ବେଳେ ହଠାତ କି ପଛପଟୁ ଧକ୍କା ଦେଲା ଏକ କଳା ରଙ୍ଗର କାର । ଆଉ ସେଇଠି ଟଳିପଡିଲେ ସ୍ତ୍ରୀ । ନିଜେ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହେଲେ ।
ଭୁବନେଶ୍ୱର (କେନ୍ୟୁଜ) : ପଛେ ପଛେ ଆସୁଥିଲା ମୃତ୍ୟୁ ଜଣାନଥିଲା ମିଳିବ ଏମିତି ଯମ ଦଣ୍ଡ, ପୁଣ୍ୟ କମାଇବା ପାଇଁ ଆସିଥିଲେ ଗଞ୍ଜାମ ରୁ ଭୁବନେଶ୍ୱର । ଭାବିଥିଲେ ଲିଙ୍ଗରାଜ ମନ୍ଦିରରେ ବଡ଼ ବଡୁଆଙ୍କୁ ଡାକିବେ ଆଉ ତା ବାସିଦିନ ଯାଇ ଜଗାର ଦର୍ଶନ କରିବେ, କିନ୍ତୁ ସବୁ କଳ୍ପନା ଜଳ୍ପନା ଉପରେ ପଡିଗଲା ପୂର୍ଣ୍ଣଛେଦ । ଜଗା ଦର୍ଶନ ପୂର୍ବରୁ ସ୍ୱର୍ଗଦ୍ୱାର ପାଲଟିଲା ଶେଷ ଠିକଣା । ପୁରା ପରିବାରଙ୍କୁ ନେଇ ଆସିଥିବା ଜୁରିନାଥ ହରାଇ ବସିଲେ ନିଜ ସ୍ତ୍ରୀଙ୍କୁ । ଆଉ ମୃତକଙ୍କ ମାଙ୍କ କଥା କଣ କହିବା, ଦିନେ ସୁସଜ୍ଜିତ ଗାଡ଼ିରେ ଝିଅକୁ ବିଦା କରିଥିଲେ ଶାଶୂ ଘରକୁ କିନ୍ତୁ ଆଜି ଝିଅକୁ ନେଇ ସ୍ୱର୍ଗଦ୍ୱାର ଯାଉଛନ୍ତି ଦାହ କରିବାକୁ । ସେଦିନର କାନ୍ଦ ଆଉ ଆଜିର କାନ୍ଦ ଭିତରେ ଆକାଶ ପାତାଳ ତଫାତ । ଏ ଦୃଶ୍ୟ ଦେଖିଲେ ଆପଣଙ୍କ ଛାତି ଫାଟିଯିବ ।
ଲିଙ୍ଗରାଜ ମନ୍ଦିର ସାମ୍ନାରେ ଛିଡା ହୋଇ ପୂଜା ପାଇଁ ଆଖୁ କିଣୁଥିବା ବେଳେ ହଠାତ କି ପଛପଟୁ ଧକ୍କା ଦେଲା ଏକ କଳା ରଙ୍ଗର କାର । ଆଉ ସେଇଠି ଟଳିପଡିଲେ ସ୍ତ୍ରୀ । ନିଜେ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହେଲେ ।
ଏ ଦୃଶ୍ୟ ଯେତିକି ଯନ୍ତ୍ରଣା ଦାୟକ ସେତିକି ହୃଦୟସ୍ପର୍ଶୀ । କାନ୍ଦୁଛନ୍ତି ହସ୍ପିଟାଲରୁ ସଦ୍ୟ ଡିସଚାର୍ଜ ହୋଇଥିବା ସ୍ୱାମୀ, କାନ୍ଦୁଛି ପୁରା ପରିବାର । ପିଲାମାନେ କେବେ ସ୍ୱପ୍ନରେ ବି ଚିନ୍ତା କରିନଥିବେ ଯେ ଏମିତି ତାଙ୍କୁ ତାଙ୍କ ମାଆ ଛାଡି ଚାଲିଯିବେ ବୋଲି । ତାଙ୍କୁ ନେଇ ଆସିଥିବା ଗାଡି ପୁରୀ ତ ଗଲା କିନ୍ତୁ, ଶ୍ରୀମନ୍ଦିର ନୁହେଁ ସ୍ୱର୍ଗଦ୍ୱାର । ତେବେ ସଂପୂର୍ଣ୍ଣ ଘଟଣା ଥିଲା ଏମିତି ।
ଗଂଜାମ ଜିଲ୍ଲା ଦିଗପହଣ୍ଡିର ଏକ ଦମ୍ପତି ନିଜ ପରିବାର ସହ ପୟା ଶ୍ରଦ୍ଧା ଦେବା ପାଇଁ ଆସିଥିଲେ ଭୁବନେଶ୍ୱର ଲିଙ୍ଗରାଜ ମନ୍ଦିର । କଥାରେ ଅଛି ଲିଙ୍ଗରାଜ ସମ୍ମୁଖରେ ବଡବଡୁଆଙ୍କୁ ଡାକିଲେ ପୂନ୍ୟ ମିଳିଥାଏ । ଆଉ ସେ ପୁନ୍ୟ ଟିକକ ପାଇବା ପାଇଁ ଓ ବଡବଡୁଆଙ୍କୁ ମନେ ପକାଇବା ପାଇଁ ସ୍ୱାମୀ ସ୍ତ୍ରୀ ସାଙ୍ଗ ହୋଇ ପରିବାର ଲୋକଙ୍କୁ ଧରି ଆସିଥିଲେ ଲିଙ୍ଗରାଜ ମନ୍ଦିର । ହେଲେ ଲିଙ୍ଗରାଜ ସମ୍ମୁଖରେ ଭୋଗ ଦେବାବେଳେ ଏ ଭୋଗରେ କୁଆଡେ ଆଖୁ ନିହାତି ପଡିବା ଦରକାର । ସେଥିପାଇଁ ଆଖୁ କିଣିବା ପାଇଁ ଯାଇଥିଲେ ସ୍ୱାମୀ ସ୍ତ୍ରୀ । ପାଖରେ ଥିବା ଦୋକାନରୁ ସ୍ୱାମୀ ସ୍ତ୍ରୀ ଆଖୁ କିଣୁଥିଲେ, କିନ୍ତୁ ସେଇଠାରେ ଅନାଇ ବସିଥିଲା ମୃତ୍ୟୁ । ଆଉ ଏ ଆଖୁ କିଣୁ କିଣୁ ବ୍ୟାକ୍ ଗିୟର ପକାଇ ପଛପଟୁ ମାଡିଆସିଲା ଏକ କଳା ରଙ୍ଗର ଗାଡି । କେହି କିଛି ବୁଝିବା ପୂର୍ବରୁ ସ୍ୱାମୀ ସ୍ତ୍ରୀଙ୍କ ଉପରକୁ ଚଢ଼ି ଯାଇଥିଲା । ସ୍ତ୍ରୀ ସେଇଠାରେ ହିଁ ସ୍ୱାମୀଙ୍କ ହାତ ଛାଡିଦେଇ ଚାଲିଗଲେ ଆରପାରିକୁ । ଆଉ ସ୍ୱାମୀ ଗୁରୁତର ଅବସ୍ଥାରେ ଗଲେ ହସ୍ପିଟାଲକୁ । ଆଉ ଏବେ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଅଛି । ଓ ସେ ହସ୍ପିଟାଲରୁ ଡିସ ଚାର୍ଜ ହୋଇଛନ୍ତି । କିନ୍ତୁ ଘରକୁ ନ ଯାଇ ଯାଇଛନ୍ତି କ୍ୟାପିଟାଲ ହସ୍ପିଟାଲ । କାରଣ ସେଠି ଅଛନ୍ତି ତାଙ୍କ ମୃତ ପତ୍ନୀ । ଆଉ ମୃତ ପତ୍ନୀଙ୍କ ଶେଷକୃତ୍ୟ ପାଇଁ ସେ ଯିବେ ସ୍ୱର୍ଗଦ୍ୱାର ।
ମୃତ ମହିଳା ହେଲେ ସୁଲୋଚନା ମହାନ୍ତି। ଗୁରୁତର ସ୍ୱାମୀ ହେଉଛନ୍ତି ଜୁରିନାଥ ବେବର୍ତା। ସୁଲୋଚନା କୁକୁଡାଖଣ୍ଡି ବ୍ଲକ ବାଳକୃଷ୍ଣ ପୁର ପ୍ରାଇମେରି ସ୍କୁଲରେ ଶିକ୍ଷକତା କରୁଥିଲେ । ସେ ବ୍ରହ୍ମପୁର ତୁଳସୀ ନଗର ତୃତୀୟ ଲେନରେ ରୁହନ୍ତି। ସ୍ୱାମୀ ଜୁରିନାଥ ମଧ୍ୟ ଜଣେ ଶିକ୍ଷକ, କିନ୍ତୁ ସାରାଜୀବନ, ଜୀବନ ଦର୍ଶନର ବାର୍ତ୍ତା ବାଣ୍ଟୁଥିବା ଏ ଦମ୍ପତିନଙ୍କ ଜୀବନରେ ଏମିତି ଅଚାନକ ଘୋଟି ଆସିଲା କଳା ବାଦଲ । କହିରଖିବାକୁ ଚାହିଁବୁ ଯେ ଏହି ଗାଡିର ଚାଳକ ମଦ ପିଇଥିଲେ । ଯିଏ କି ବ୍ୟାକ୍ ଗିୟର ଦେବା ସମୟରେ ଚଢ଼ାଇଦଲେ ଏ ଦମ୍ପତିଙ୍କ ଉପରେ । ଆଉ ଘଟଣା ଘଟାଇ ତୁରନ୍ତ ହିଁ ଘଟଣାସ୍ଥଳରୁ ହିଁ ଛୁ ମାରିଲେ ଚାଳକ । ଗାଡି ଛାଡି ଛୁ ମାରିଲେ ବି ଗାଡି ନମ୍ବରରୁ ମିଳିଗଲା ପରିଚୟ । ଗାଡ଼ି ଟି ପୁରୁଣା ଭୁବନେଶ୍ୱର ଅଞ୍ଚଳର ଗୌତମ ମିଶ୍ରଙ୍କର ବୋଲି ଜଣାପଡିଛି। ଯିଏ କି ଫେରାର ହୋଇଥିଲେ ବି ଧରାପଡିଛନ୍ତି ପୋଲିସ ହାତରେ । ଯାହାପରେ ପୋଲିସ୍ କରୁଛି ଅଧିକ ତନାଘନା ।
ତେବେ ମୃତ ସୁଲଚନାଙ୍କ ପରିବାରକୁ କ୍ଷତି ପୂରଣ ଦେବ କିଏ ? ଜଣେ ଏତେ ସୁନ୍ଦର ଶିକ୍ଷୟିତ୍ରୀଙ୍କୁ ଗୋଟିଏ ସ୍କୁଲ ହରାଇଲା ଓ ଗୋଟିଏ ପଡ଼ିବାରର ଏତେ ବଡ କ୍ଷତିର ପୂରଣ କେମିତି ହେବ ଏବଂ ମୃତ ସୁଲୋଚନାଙ୍କ ପରିବାକୁ ଉଚିତ ନ୍ୟାୟ ମିଳିବ ତ । ତାହା ଏବେ ସମସ୍ତଙ୍କ ମନରେ ।
