ସାରା ଦୁନିଆରେ ବର୍ତ୍ତମାନ ଭର୍ଚୁଆଲ କରେନ୍ସି ସହିତ ସିକ୍ୟୁରିଟି ଏବଂ ପରମ୍ପରାଗତ କରେନ୍ସିକୁ ନେଇ ଏକ ଦ୍ୱନ୍ଦ ସୃଷ୍ଟି ହୋଇଥିବା ସମୟରେ ଚଳିତ ବର୍ଷ ଶେଷ ମଧ୍ୟରେ ଚୀନ ନିଜର କ୍ରିପ୍ଟୋ କରେନ୍ସି ଲଞ୍ଚ କରିବାକୁ ଯାଉଛି । କୁହାଯାଉଛି କି ଚୀନର କ୍ରିପ୍ଟୋ କରେନ୍ସି ଦୁନିଆର ସବୁଠାରୁ ବଡ଼ ସୋସିଆଲ ମିଡ଼ିଆ ଫେସବୁକର କ୍ରିପ୍ଟୋ କରେନ୍ସି ଲିବ୍ରା ସହିତ ଟକ୍କର ଦେବାକୁ ଯାଉଛି ।
ସୂଚନା ଅନୁଯାୟୀ ପିପୁଲସ ବ୍ୟାଙ୍କ ଅଫ ଚାଇନା(PBOC) ଏହି ଡିଜିଟାଲ କରେନ୍ସି ଉପରେ କାମ କରୁଅଛି । ରିପୋର୍ଟରେ ଦାବି କରାଯାଇଛି କି ଚୀନର ଭର୍ଚୁଆଲ କରେନ୍ସି ଫେସବୁକର ଲିବ୍ରା କରେନ୍ସି ପୂର୍ବରୁ ବଜାରକୁ ଆସିବ । ଏହାସହିତ ଚୀନରେ ଏହାର ବ୍ୟବହାର ମଧ୍ୟ ଆରମ୍ଭ ହୋଇଗଲାଣି । ଯଦିଓ ଏହାର ନାମ ବିଷୟରେ ବର୍ତ୍ତମାନ ପର୍ଯ୍ୟନ୍ତ କୌଣସି ସୂଚନା ମିଳିପାରି ନାହିଁ ।
ସୂଚନା ମୁତାବକ ଚୀନର ଚାରୋଟି ବଡ଼ ସରକାରୀ ବ୍ୟାଙ୍କକୁ ପ୍ରଥମେ ଏହି କ୍ରିପ୍ଟୋ କରେନ୍ସି ଵ୍ୟଵହାର କରିବାର ଅନୁମତି ମିଳିବ । ସେଠାରେ ଏହା ମଧ୍ୟ କୁହାଯାଇଛି ଯେ ଆଗକୁ ଏହା ଅଲିବାବା, ଟେନସେଣ୍ଟ(ପବଜି କମ୍ପାନୀ), ୟୁନିୟନ- ପେ ଏବଂ ଏକ ଅଜଣା କମ୍ପାନୀକୁ ମଧ୍ୟ ଏହି ତାଲିକାରେ ସାମିଲ କରାଯିବ । ଖବର ଅନୁଯାୟୀ କ୍ରିପ୍ଟୋ କରେନ୍ସି ଉପରେ ଚୀନ 2014ରୁ କାମ କରୁଅଛି ।