Apple Vision Pro ସାଧାରଣ VR ଗ୍ଲାସ୍ ଠାରୁ ଭିନ୍ନ କାହିଁକି, ଜାଣନ୍ତୁ କେଉଁ କାମରେ ଏହାକୁ ବ୍ୟବହାର କରିପାରିବେ

Apple Vision Pro ର ସବୁ ସ୍ଥାନରେ ଚର୍ଚ୍ଚା ଚାଲିଛି । ୟୁଟ୍ୟୁବର୍ ଠାରୁ ସାଧାରଣ ୟୁଜରଙ୍କ ପର୍ଯ୍ୟନ୍ତ ସମସ୍ତେ ଏହାକୁ କିଣୁଛନ୍ତି ଏବଂ ବ୍ୟବହାର କରୁଛନ୍ତି । କିନ୍ତୁ ବର୍ତ୍ତମାନ ଏହାର ମୂଲ୍ୟ ଜାଣିଲେ କିଛି ଲୋକ ଆଶ୍ଚର୍ଯ୍ୟ ହୋଇପାରନ୍ତି । ତେବେ ମାର୍କେଟରେ ଏହା ପ୍ରାୟ ୩ ଲକ୍ଷ ଟଙ୍କାରେ ମିଳୁଛି । ଏଭଳି ପରିସ୍ଥିତିରେ କେବଳ ଅଳ୍ପ ଲୋକ ଏହାକୁ କିଣି ପାରିବେ କାରଣ ଏହାର ଦାମ୍‌ ବହୁତ ଅଧିକ ରହିଛି । ଯଦି ଆପଣ ଏହାକୁ ଏକ ସାଧାରଣ VR ତଥା ଭର୍ଚୁଆଲ୍ ରିୟାଲିଟି ଗ୍ଲାସ୍ ଭାବୁଛନ୍ତି, ତେବେ ଆପଣ ଭୁଲ ଭାବୁଛନ୍ତି କାରଣ ଏହା ସେହି ଗ୍ଲାସ୍‌ ଠାରୁ ବହୁତ ଭଲ ଏବଂ ଭିନ୍ନ । ତେବେ ଆଜି ଆମେ ଆପଣଙ୍କୁ ଏହି Apple Vision Pro ବିଷୟରେ କହିବାକୁ ଯାଉଛୁ, ଯାହା ଦ୍ୱାରା ଆପଣ ବୁଝି ପାରିବେ ଯେ ଏହି ଗ୍ଲାସ୍‌ କାହିଁକି ଏତେ ମହଙ୍ଗା ।

ମିକ୍ସ ରିୟାଲିଟି : ଏହା VR ଏବଂ AR ଉଭୟ ଟେକ୍ନୋଲୋଜିରେ ବ୍ୟବହାର ହୋଇଥାଏ । ଯାହା ଆପଣଙ୍କୁ ଡିଜିଟାଲ୍ ଦୁନିଆକୁ ବାସ୍ତବ ଦୁନିଆ ସହିତ ମିକ୍ସ କରି ଦେଖାଇପାରିବ ।

ହାଇ ରିଜୋଲ୍ୟୁସନ ଡିସ୍‌ପ୍ଲେ : ତେବେ ଭଲ ସ୍କି୍ରନ୍‌ ପାଇଁ ହାଇ ରିଜୋଲ୍ୟୁସନ ଏବଂ OLED ଡିସ୍‌ପ୍ଲେ ଏଥିରେ ରହିଛି ।

ପ୍ରୋସେସର : ଏହି ଡିଭାଇସର ଭଲ ଡିସ୍‌ପ୍ଲେ ଏବଂ ଗ୍ରାଫିକ୍ସ ପାଇଁ ଆପଲ୍ M2 ଚିପ୍ ଏବଂ R1 ଚିପ୍ ମଧ୍ୟ ଏଥିରେ ରହିଛି ।

ମଲ୍ଟିପଲ୍ ସେନ୍ସର : ଏଥିରେ ୧୨ଟି କ୍ୟାମେରା, ୫ଟି ସେନ୍ସର ଏବଂ ୬ଟି ମାଇକ୍ରୋଫୋନ୍ ରହିଛି ଯାହା ଭଲ ଟ୍ରାକିଂ କରିବ ଏବଂ ଏଥିରେ 3D ମ୍ୟାପିଙ୍ଗ୍ ମଧ୍ୟ ରହିଛି ।

ବିଭିନ୍ନ ଆପ୍ ଏବଂ ଗେମ୍‌ : ଆପଲ୍ ଆପ୍ ଷ୍ଟୋର୍‌ରେ ରହିଥିବା ଏକାଧିକ VR ଏବଂ AR ଆପ୍ ଏବଂ ଗେମ୍‌ ସହିତ ଏହା ବିଭିନ୍ନ ପ୍ରକାରର କାମ କରିଥାଏ ।

ସାଧାରଣ VR ଗ୍ଲାସ୍‌ :
ଭର୍ଚୁଆଲ୍ ରିୟାଲିଟି : ଏହାକୁ କେବଳ VR ଟେକ୍ନୋଲୋଜି ବ୍ୟବହାର କରେ, ଯାହା ଆପଣଙ୍କୁ କେବଳ ଡିଜିଟାଲ୍ ଦୁନିଆ ଦେଖିବାକୁ ଅନୁମତି ଦେଇଥାଏ ।

କମ୍‌ ରିଜୋଲ୍ୟୁସନ ଡିସ୍‌ପ୍ଲେ : ଏଥିରେ କମ୍‌ ରିଜୋଲ୍ୟୁସନ ଏବଂ LCD ଡିସ୍‌ପ୍ଲେ ମଧ୍ୟ ରହିଛି ।

କମ୍ ପ୍ରୋସେସର : ତେବେ ଏଥିରେ କମ୍‌ ଡିସ୍‌ପ୍ଲେ ଏବଂ ଗ୍ରାଫିକ୍ସ ରହିଛି ।