ଟେଲିଗ୍ରାମ ବ୍ୟବହାର କରୁଥିବେ ଏହି ଖବର ଆପଣଙ୍କ ପାଇଁ। ପ୍ରତିଦିନ ହ୍ଵାଟସଆପ୍ ହେଉ କି ଟେଲିଗ୍ରାମ ନୂଆ ନୂଆ ଫିଚର୍ସ ଅପଡେଟ୍ କରୁଛନ୍ତି। ଏବେ ଟେଲିଗ୍ରାମ ଏମିତି ଏକ ଫିଚର୍ସ ଆଣିଛି, ଯାହା ଆପଣ ପଠାଉଥିବା ମେସେଜ ଯେଉଁ ଭାଷାରେ ହେଉ ନା କାହିଁକି ଏହାକୁ ସେ ନିଜର ଆଞ୍ଚଳିକ ଭାଷାରେ ପରିବର୍ତ୍ତନ କରିପାରିବ। ଏହି ଫିଚର୍ସ ଉଭୟ ଆଣ୍ଡ୍ରଏଡ୍ ଏବଂ iOS ରେ ଉପଲବ୍ଧ।
ପୂର୍ବରୁ ହ୍ଵାଟସଆପକୁ ଟକ୍କର ଦେବା ପାଇଁ ଟେଲିଗ୍ରାମ କୌଣସି ପ୍ରକାର ଚେଷ୍ଟା ମଧ୍ୟ ଛାଡୁନି। ହ୍ଵାଟସଆପକୁ ଟକ୍କର ଦେବା ପାଇଁ ଟେଲିଗ୍ରାମ ନୂଆ ଅପଡେଟ୍ ନେଇ ଆସିଛି। ଯାହା ପୂର୍ବରୁ ହ୍ଵାଟଟସଆପରେ ମିଳୁଥିଲା, ଏବେ ଟେଲିଗ୍ରାମରେ ମଧ୍ୟ ମିଳିବ। ଟେଲିଗ୍ରାମ ନିଜର ଆପକୁ ଅପଡେଟ କରି ନୂଆ ଆଡ ଅନ ଫିଚର ଯୋଡିଥିଲା। ନୂଆ ଅପଡେଟରେ ସିଡ୍ୟୁଲିଂ ଭଏସ ଚାଟ୍, ଭଏସ ଚାଟ୍ ପାଇଁ ମିନି ପ୍ରୋଫାଇଲ, ନୂଆ ୱେବ ଭର୍ସନ ଏବଂ ପେମେଣ୍ଟସ୍ ୨.୦ ଭଳି ଅପଡେଟ୍ ସାମିଲ।
ତେବେ କେମିତି ଟେଲିଗ୍ରାମ ମେସେଜକୁ କରିବେ ନିଜ ଭାଷାରେ ପରିବର୍ତ୍ତନ ଜାଣନ୍ତୁ: ଜାଣନ୍ତୁ ଏଠାରେ ପୁରା ପ୍ରୋସେସ:
– ପ୍ରଥମେ ଟେଲିଗ୍ରାମକୁ ଆକ୍ଟିଭେଟ କରନ୍ତୁ।
– ଆପ୍ ଖୋଲିବା ପରେ ବାମ ପଟେ ଥିବା ୩ଟି ଗାର୍ ଆଇକନକୁ କ୍ଲିକ କରନ୍ତୁ।
– ତା’ ପରେ ସେଟିଂକୁ ଯିବା ପରେ ଲାଙ୍ଗୁଏଜ ଉପରେ କ୍ଲିକ କରନ୍ତୁ।
– ଲାଙ୍ଗୁଏଜ ମେନ୍ୟୁରେ କ୍ଲିକ କରିବା ପରେ ‘Show Translate Button’ କୁ ଅନ୍ କରନ୍ତୁ।
– ତା’ ତଳକୁ ଥିବା ବିଭିନ୍ନ ପ୍ରକାର ଭାଷା ଆପଣ ଚୟନ କରିପାରିବେ।
– ଯଦି ଆପଣ ଇଂଲିଶ ଭାଷାରେ ଟେଲିଗ୍ରାମ ବ୍ୟବହାର କରୁଥାନ୍ତି, ତେବେ ଆଉ କୌଣସି ଭାଷାରେ ଟ୍ରାନ୍ସଲେଟ ହେବ ନାହିଁ।
– ଏଠାରେ ହିନ୍ଦୀକୁ ଟ୍ରାନ୍ସଲେଟ୍ କରିବାର କୌଣସି ସପୋର୍ଟ ନାହିଁ।
– ତା’ ପରେ ଆପଣ କୌଣସି ଚାଟ୍ କିମ୍ବା ଗ୍ରୁପକୁ ଯାଇ ମେସେଜ କରିପାରିବେ। ମେସେଜ କରିବା ବେଳେ ଆପଣଙ୍କୁ ଟ୍ରାନ୍ସଲେଟ୍ ପପ୍ଅପ୍ ନଜର ଆସିବ।
– ତା’ ପରେ ଟ୍ରାନ୍ସଲେଟ୍କୁ କ୍ଲିକ କରିବା ପରେ ଆପଣଙ୍କ ମେସେଜ ଆପେ ଆପେ ଟ୍ରାନ୍ସଲେଟ୍ ହୋଇଯିବ ଏବଂ ଟେଲିଗ୍ରାମ୍ର ଡିଫଲ୍ଟ ଆପ୍ ଭାବେ ରହିବ।