ଫ୍ରିରେ ଏସି ଚଲାଇବାକୁ ଚାହୁଁଛନ୍ତି କି ? ଘର ଛାତ ଉପରେ ଲଗାନ୍ତୁ ଏହି ମେସିନ୍
ଆପଣ ଏହି ଗରମରେ ନିଜ ଘରେ ନିଶ୍ଚିତ ଭାବେ ଏସି ଲଗାଇଥିବେ । ଏସିର ବିଲ୍ ବି ଅଧିକ ଆସୁଥିବ । ଏଭଳି ପରିସ୍ଥିତିରେ ଅନେକ ଲୋକ ଅଛନ୍ତି ଯେଉଁମାନେ ଏସି ନଚଲାଇ ଫ୍ୟାନରେ ଶୋଇବା ପାଇଁ ଚେଷ୍ଟା କରନ୍ତି । କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ମେସିନ୍ ବିଷୟରେ ଜଣାଇବୁ । ଯାହାକୁ ଆପଣାଇବା ପରେ ଆପଣଙ୍କ ଇଲେକ୍ଟ୍ରିକ୍ ବିଲ୍ ଖୁବ୍ କମ୍ ଆସିବ । ଆଉ ଆପଣ ଆରାମରେ ଏସିର ମଜା ନେଇ ପାରିବେ । ତେବେ ଆସନ୍ତୁ ଜାଣିବା ଆପଣ କେଉଁ ମେସିନ୍ ଲଗାଇ ଏସିର ଥଣ୍ଡା ପବନକୁ ଉପଭୋଗ କରିପାରିବେ ।
ୱିଣ୍ଡ ପାଓ୍ଵାର ଜେନେରେଟରଗୁଡିକ ଭାରତରେ ବେଶ୍ ଲୋକପ୍ରିୟ ଏବଂ ବିଦ୍ୟୁତ୍ ଉତ୍ପାଦନ ପାଇଁ ଏହି ଜେନେରେଟର ଗୁଡ଼ିକ ବ୍ୟବହାର କରାଯାଏ । ଆପଣମାନେ ବର୍ତ୍ତମାନ ପର୍ଯ୍ୟନ୍ତ ସାଧାରଣ ୱିଣ୍ଡପାଓ୍ଵାର ଜେନେରେଟର ଦେଖିଥିବେ । କିନ୍ତୁ ବର୍ତ୍ତମାନ ବଜାରରେ ଏଭଳି ଏକ ପ୍ରଡକ୍ଟ ମିଳୁଛି ଯାହା ସାଧାରଣ ୱିଣ୍ଡ ପାଓ୍ଵାର ଜେନେରେଟର ପରି ବିଦ୍ୟୁତ୍ ଉତ୍ପାଦନ କରେ । ଯଦି ଆପଣ ଓ୍ଵାନ୍ ଟାଇମ୍ ଇନଭେଷ୍ଟମେଣ୍ଟ କରିବାକୁ ଚାହୁଁଛନ୍ତି, ତେବେ ୱିଣ୍ଡ ପାଓ୍ଵାର ସାହାଯ୍ୟରେ ଆପଣ ନିଜ ଘରର ଇଲେକ୍ଟ୍ରିକ୍ ବିଲ୍ କମ୍ କରିପାରିବେ । ଯଦି ଆପଣ ଏହି ୱିଣ୍ଡ ପାଓ୍ଵାର ବିଷୟରେ ଜାଣି ନାହାଁନ୍ତି ତେବେ ଆଜି ଆମେ ଆପଣଙ୍କୁ ଏହା ବିଷୟରେ ଜଣାଇବାକୁ ଯାଉଛୁ ।
ଆମେ ଆପଣଙ୍କୁ ଯେଉଁ ୱିଣ୍ଡ ପାଓ୍ଵାର ଜେନେରେଟରର ବିଷୟରେ କହିବାକୁ ଯାଉଛୁ ତାହା ହେଉଛି ଟ୍ୟୁଲିପ୍ ଟର୍ବାଇନ । ଏହା ପ୍ରକୃତରେ ଟ୍ୟୁଲିପ୍ ଫୁଲ ଭଳି ଦେଖାଯାଏ, ତେଣୁ ଏହାର ନାଁକୁ ଟ୍ୟୁଲିପ୍ ଟର୍ବାଇନ ରଖାଯାଇଛି । ଏହା ଏକ ପବନ ଚାଳିତ ଟର୍ବାଇନ ଯାହାକୁ ଆପଣ ନିଜ ଘରର ଛାତରେ ଲଗାଇ ପାରିବେ ଏବଂ ଏଥିରେ ଏକ ବିଦ୍ୟୁତ୍ ଜେନେରେଟର ଲଗାଯାଇଛି ଯାହା ସାହାଯ୍ୟରେ ବିଦ୍ୟୁତ୍ ଉତ୍ପାଦନ ହେବ । ଥରେ ଏଥିରୁ ବିଦ୍ୟୁତ୍ ଉତ୍ପାଦନ ଆରମ୍ଭ ହେବା ପରେ, ଆପଣ ଏହାକୁ ବ୍ୟାଟେରୀ ସାହାଯ୍ୟରେ କିମ୍ବା ସିଧାସଳଖ ଆପଣଙ୍କ ଘରେ ବ୍ୟବହାର କରିପାରିବେ । ଏହା ଦ୍ୱାରା ଘରର ଅତି କମରେ ଗୋଟିଏ ମହଲାର ବିଦ୍ୟୁତ୍ ବିଲ୍ କମ୍ ହୋଇଯିବ । ଏହା ଏକ ଚମତ୍କାର ଡିଭାଇସ୍ ଯାହା ଦ୍ୱାରା ଆପଣ ବିନା ଖର୍ଚ୍ଚରେ ବିଦ୍ୟୁତ୍ ଉତ୍ପାଦନ କରିପାରିବେ ।
ସୂଚନା ଥାଉ କି ପବନ କମ୍ ହେଉଥିଲେ ମଧ୍ୟ ଏହି ଟ୍ୟୁଲିପ୍ ଟର୍ବାଇନ କାମ କରିଥାଏ । ଏଭଳି ପରିସ୍ଥିତିରେ ଟର୍ବାଇନରେ ଲାଗିଥିବା ଜେନେରେଟରରୁ ବିଦ୍ୟୁତ୍ ଉତ୍ପାଦନ ପ୍ରକ୍ରିୟା ଜାରି ରହିବ । ଯଦି ଆପଣ ମଧ୍ୟ ଆପଣଙ୍କ ଘରର ବିଦ୍ୟୁତ୍ ବିଲ୍ କମ୍ କରିବାକୁ ଚାହୁଁଛନ୍ତି କିମ୍ବା ଏହାକୁ ସମ୍ପୂର୍ଣ୍ଣ ମାଗଣା କରିବାକୁ ଚାହୁଁଛନ୍ତି ତେବେ ଏହି ଟର୍ବାଇନ୍ କୁ ବ୍ୟବହାର କରିପାରିବେ । ଏହି ଡିଭାଇସ୍ ବ୍ୟବହାର କରି ଗ୍ରାହକମାନେ ବହୁତ ଅଧିକ ଇଲେକ୍ଟ୍ରି ବିଲ୍ ବଞ୍ଚାଇ ପାରିବେ । ଏହି ଟର୍ବାଇନ୍ ନିଶ୍ଚିତ ଭାବରେ ମହଙ୍ଗା କିନ୍ତୁ ଏହା ଦ୍ୱାରା ଆପଣ ନିଜ ଘରେ ପାଓ୍ଵାର୍ ସପ୍ଲାଏ ଜାରି ରଖିପାରିବେ ।
