ଯଦି ଆପଣ ମଧ୍ୟ ଏକ ଶସ୍ତା 4G ଆଣ୍ଡ୍ରଏଡ୍ ସ୍ମାର୍ଟଫୋନ୍ ଖୋଜୁଛନ୍ତି ତାହେଲେ ଚଳିତ ବର୍ଷ ଡିସେମ୍ବର ସୁଦ୍ଧା ଆପଣଙ୍କର ଏହି ଇଛା ପୁରଣ ହୋଇପାରେ । ମିଳିଥିବା ରିପୋର୍ଟ ଅନୁଯାୟୀ ଡିସେମ୍ବର 2020 ଶେଷ ସୁଦ୍ଧା ରିଲାଏନ୍ସ ଜିଓ 10 କୋଟି ଶସ୍ତା 4G ସ୍ମାର୍ଟଫୋନ୍ ଲଞ୍ଚ କରିବାକୁ ଯାଉଛି । ଏହି ଫୋନ୍ ସହିତ ଆପଣଙ୍କୁ ଡାଟା ଅଫର୍ ମଧ୍ୟ ମିଳିପାରେ ।
ରିପୋର୍ଟରେ କୁହାଯାଇଛି ଯେ ଗୁଗୁଲ ସହିତ ସହଭାଗିତାରେ ଜିଓର ଶସ୍ତା 4G ଆଣ୍ଡ୍ରଏଡ୍ ସ୍ମାର୍ଟଫୋନ୍ ଲଞ୍ଚ କରିବାକୁ ଯାଉଛି । ସୂଚନା ଅନୁଯାୟୀ କିଛି ମାସ ପୂର୍ବରୁ ଗୁଗୁଲ ଜିଓରେ 4.5 ବିଲିୟନ ଡଲାର ବିନିଯୋଗ କରିବା ବୋଲି ଘୋଷଣା କରିଛି । ଚଳିତ ବର୍ଷ ଜୁଲାଇରେ ଜିଓ କହିଥିଲା ଯେ ଗୁଗୁଲ ଏକ ଶସ୍ତା ଆଣ୍ଡ୍ରଏଡ୍ ଭର୍ସନରେ କାମ କରୁଛି ଏବଂ ଏହି ଭର୍ସନରେ ସେ ନିଜର ଫୋନ୍ ମଧ୍ୟ ଲଞ୍ଚ କରିବ । ଗୁଗୁଲ୍ ଏବଂ ଜିଓର ଏହି ଶସ୍ତା 4G ସ୍ମାର୍ଟଫୋନ୍ ସାଓମି, ଓପୋ, ଭିଭୋ, ସାମସଙ୍ଗ ଏବଂ ନୋକିଆ ଭଳି କମ୍ପାନୀର ସମସ୍ୟା ବଢ଼ାଇପାରେ । ସୂଚନା ଅନୁଯାୟୀ ଭାରତରେ 7,360 ମୂଲ୍ୟର ସ୍ମାର୍ଟଫୋନ୍ ବଜାରରେ ରିଅଲମି, ଓପୋ ଏବଂ ଭିଭୋର ପ୍ରାୟ 14,713 କୋଟି ଅଂଶ ଅଛି ।
ଚଳିତ ବର୍ଷ ଜୁଲାଇରେ ରିଲାଏନ୍ସ ଜିଓ, JioPhone 5 ଉପରେ କାମ କରୁଛି । ଜିଓ ଫୋନ୍ 5 ମଧ୍ୟ ଏକ ଫିଚର ଫୋନ୍ ହେବ ଏବଂ ଏଥିରେ 4G ସମର୍ଥନ ମିଳିବ । ଜିଓ ଫୋନ୍ 5 ଜିଓ ଫୋନରଲାଇଟ ଭର୍ସନ ହେବ ଯାହାର ମୂଲ୍ୟ 399 ଟଙ୍କା ହୋଇପାରେ ।
ଏହି ଫୋନରେ ମଧ୍ୟ ଜିଓ ଫୋନ୍ 1 ଏବଂ 2 ଭଳି OAS ମିଳିବ ଅର୍ଥାତ୍ ଆପଣ ଏହି ଫୋନରେ ହ୍ଵାଟ୍ସଆପ, ଫେସବୁକ୍ ଏବଂ ଗୁଗୁଲ୍ ଭଳି ଆପ୍ ବ୍ୟବହାର କରିବାରେ ସକ୍ଷମ ହେବେ। ଯଦି ଏହା ହୁଏ ତେବେ ଜିଓ ଫୋନ୍ 5 ଦୁନିଆର ସବୁଠାରୁ ଶସ୍ତା 4G ଫୋନ୍ ହେବ । ତେବେ ‘ଜିଓ ଫୋନ୍ 5’ ର ବର୍ତ୍ତମାନ ଟେଷ୍ଟିଙ୍ଗ ଚାଲିଛି ବୋଲି ରିପୋର୍ଟରେ ଦର୍ଶାଯାଇଛି ।