ହ୍ଵାଟ୍ସଆପର ନୂଆ ଭର୍ସନ ବ୍ୟାଟେରୀ ଉପରେ ପକାଉଛି ଖରାପ ପ୍ରଭାବ
ଫେସବୁକର ଇନଷ୍ଟାଣ୍ଟ ମେସେଜିଙ୍ଗ ଆପ ହ୍ଵାଟ୍ସଆପ ନିକଟରେ ଏକ ନୂଆ ଅପଡେଟ ଜାରି କରିଥିଲା । ଯାହାକୁ ନେଇ ୟୁଜର ମାନେ ସୋସିଆଲ ମିଡିଆରେ ଅଭିଯୋଗ କରିବା ଆରମ୍ଭ କରି ଦେଇଛନ୍ତି । ୟୁଜର ମାନଙ୍କ କହିବା ଅନୁଯାୟୀ ହ୍ଵାଟ୍ସଆପ ଅପଡେଟ କରିବା ପରେ ଏହା ତାଙ୍କ ସ୍ମାର୍ଟଫୋନ ବ୍ୟାଟେରୀ ଉପରେ ବହୁତ ପ୍ରଭାବ ପକାଉଛି ।
ୟୁଜର୍ସ ମାନଙ୍କ ଅଭିଯୋଗ ଅନୁଯାୟୀ ଆଇଫୋନ ପାଇଁ ନୂଆ ଭର୍ସନ ଲଞ୍ଚ ହେବା ପରେ ଏହି ସମସ୍ୟା ଦେଖାଦେଇଛି । କେବଳ ସେତିକି ନୁହେଁ ଆଇଫୋନ ୟୁଜର୍ସଙ୍କ ବ୍ୟତୀତ ଆଣ୍ଡ୍ରୋଏଡ ୟୁଜର୍ସ ମଧ୍ୟ ହ୍ଵାଟ୍ସଆପର ନୂଆ ଭର୍ସନ ଅପଡେଟ କରିବା ପରେ ଏହା ବ୍ୟାଟେରୀ ଉପରେ ଇଫେକ୍ଟ ପକାଉଛି ବୋଲି ଅଭିଯୋଗ କରିଛନ୍ତି ।
ଏହାସହ ପଢନ୍ତୁ ୧ ଲିଟର ପେଟ୍ରୋଲରେ ୧୨୧ କିଲୋମିଟର ଯାତ୍ରା କରିପାରୁଥିବା ସିଙ୍ଗଲ ସିଟର କାର ବନାଇଲେ ଏହି ଛାତ୍ରଛାତ୍ରୀ
ସୂଚନା ଅନୁଯାୟୀ ହ୍ଵାଟ୍ସଆପ ଆଇଫୋନ ପାଇଁ ଚଳିତ ସପ୍ତାହରେ ନୂଆ ଭର୍ସନ 2.19.112 ଜାରି କରିଥିଲା । କୁହାଯାଉଛି ଯେ ଏହି ସମସ୍ୟା ଫୋନର ବ୍ୟାକଗ୍ରାଉଣ୍ଡରେ ଲଗାତାର ହ୍ଵାଟ୍ସଆପ ଆକ୍ଟିଭ ରହିବା କାରଣରୁ ଦେଖାଯାଉଛି ।
