ସାଓମି ଭାରତରେ ଗତ ମାସ ନୋଟ ୯ ସିରିଜର ଦୁଇଟି ଫୋନ ରେଡ଼ମି ନୋଟ ୯ ପ୍ରୋ ଏବଂ ରେଡ଼ମି ନୋଟ ଏବଂ ରେଡ଼ମି ନୋଟ ୯ ପ୍ରୋ ମାକ୍ସ ଲଞ୍ଚ କରିଥିଲେ। ଏଥିରେ ରେଡ଼ମି ନୋଟ ୯ ପ୍ରୋକୁ ସେଲ ପାଇଁ ଉପଲବ୍ଧ କରିଦିଆଯାଇଥିଲା କିନ୍ତୁ ଲକଡାଉନ କାରଣରୁ ରେଡ଼ମି ନୋଟ ୯ ପ୍ରୋ ମାକ୍ସ ସେଲକୁ କ୍ୟାନ୍ସଲ କରିବାକୁ ପଡିଥିଲା। ଏବେ ଏହି ସିରିଜରେ କମ୍ପାନୀ ନୂଆ ଫୋନ ଆଣିବା ପ୍ରସ୍ତୁତିରେ ରହିଛି।
ସାଓମି ସହିତ ଜଡିତ ସୂଚନା ମୁତାବକ କମ୍ପାନୀ ୩୦ ଏପ୍ରିଲକୁ ରେଡ଼ମି ନୋଟ ୯ ସିରିଜର ନୂଆ ଫୋନକୁ ଲଞ୍ଚ କରିବାକୁ ଯାଉଛି। ସାଓମି ଏହି ଫୋନର ନାମ ଜଣାଇନାହିଁ। କିନ୍ତୁ ଏହି ସିରିଜର ଦୁଇଟି ଫୋନ ପୂର୍ବରୁ ହିଁ ଲଞ୍ଚ କରିସାରିଛି। ଏଥିପାଇଁ କୁହାଯାଉଛି ଯେ ନୂଆ ଫୋନ ରେଡ଼ମି ନୋଟ ୯ ହେବ।
The legend of #RedmiNoteSeries continues!
Get ready to meet the newest members of #RedmiNote9Series as well as other great Xiaomi products! #NoMiWithoutYou pic.twitter.com/iWpxwDgCWm
— Xiaomi (@Xiaomi) April 24, 2020
ସାଓମି ଟ୍ୱିଟରେ ଲେଖିଛନ୍ତି, ରେଡ଼ମି ନୋଟ ୯ ସିରିଜର ନୂଆ ମେମ୍ବର ଏବଂ ସାଓମି ନୂଆ ପ୍ରଡକ୍ଟସ୍ ମିଳିବା ପାଇଁ ପୁରା ପ୍ରସ୍ତୁତିରେ। ଏହା ସହିତ ଏକ ପୋଷ୍ଟର ମଧ୍ୟ ଜାରି କରାଯାଇଛି, ଯେଉଁଥିରେ ଲେଖାଯାଇଛି ଇଭେଣ୍ଟରେ ୩୦ ଏପ୍ରିଲକୁ ଅନଲାଇନ ହେବ।
Redmi note 9 ଫିଚର୍ସ
ରେଡ଼ମି ଏହି ଫୋନରେ ୬.୫୩ ଇଞ୍ଚର ଫୁଲ HD+ଡିସପ୍ଲେ ଦିଆଯାଇଥିବା ଅନୁମାନ କରାଯାଉଛି। ଏହାଛଡା ଏହି ଫୋନ ମିଡ଼ିଆଟେକ ହିଲିୟୋ G85 ଅକଟା-କୋର ପ୍ରୋସେସର ଉପରେ କାମ କରିପାରେ। ସାଓମିର ନୂଆ ଫୋନ ଆଣ୍ଡ୍ରଏଡ଼ ୧୦ ଉପରେ ରନ କରିଥାଏ। ଏହି ଫୋନ 3GB / 4GB / 6GB RAM ଅପ୍ସନ ସହିତ ଲଞ୍ଚ କରାଯିବ। ଫୋନରେ 64GB/128GB ଷ୍ଟୋରେଜ ରହିଥିବା ଆଶା କରାଯାଉଛି।