ସାଇତି ରଖନ୍ତୁ ଏହି ଡକ୍ୟୁମେଣ୍ଟ; ଯଦି ନଥିବ ହାତରୁ ପଳେଇବ ସାହାରା ଟଙ୍କା
ଆପଣଙ୍କ ପଇସା ହୁଏତ ଆପଣଙ୍କ ହାତରୁ ଯାଇପାରେ, ଯଦି ଆପଣ କିଛି ଗୁରୁତ୍ବପୂର୍ଣ୍ଣ ଡକ୍ୟୁମେଣ୍ଟ ସବୁକୁ ସାଇତି ରଖିନଥିବେ ।
ସାହାରା ଗ୍ରୁପର ସମବାୟ ସମିତିରେ ଫସି ରହିଥିବା ୧୦ କୋଟି ଲୋକଙ୍କ ଟଙ୍କା ଫେରସ୍ତ ଆଶା ଅଛି । ଜୁଲାଇ ୧୮ ରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଦ୍ୱାରା କରାଯାଇଥିବା ଏକ ଘୋଷଣା ସାହାରା ସମବାୟ ସମିତିର ନିବେଶକମାନଙ୍କ ପାଇଁ ଖୁସି ଖବର ଆଣିଦେଇଛି । ବାସ୍ତବରେ, ଯେଉଁମାନଙ୍କର ଟଙ୍କା ଏଥିରେ ଅଟକି ରହିଥିଲା ସେମାନଙ୍କୁ ଫେରସ୍ତ କରିବାର ମଉକା ଦିଆଯାଉଛି । ଟଙ୍କା ଫେରସ୍ତ ପାଇବା ପାଇଁ ଏକ ଅନଲାଇନ୍ ପୋର୍ଟାଲ୍ ମଧ୍ୟ ଆରମ୍ଭ କରାଯାଇଛି, ଯାହାର ନାମ CRCS-Sahara Refund Portal । କିନ୍ତୁ ଆପଣଙ୍କ ପଇସା ହୁଏତ ଆପଣଙ୍କ ହାତରୁ ଯାଇପାରେ, ଯଦି ଆପଣ କିଛି ଗୁରୁତ୍ବପୂର୍ଣ୍ଣ ଡକ୍ୟୁମେଣ୍ଟ ସବୁକୁ ସାଇତି ରଖିନଥିବେ ।
ଏହି ଡକ୍ୟୁମେଣ୍ଟ୍ ସହିତ ପଞ୍ଜୀକୃତ କରି ନିବେଶକମାନେ ସେମାନଙ୍କର ଟଙ୍କା ଦାବି କରିପାରିବେ । ସୂଚନାମୁତାବକ ଯେ କେବଳ ସେହି ଲୋକମାନଙ୍କର ଫେରସ୍ତ ପାଇଁ ଦାବି କୁ ବିଚାର କରାଯିବ, ଯେଉଁମାନେ ଏହି ପୋର୍ଟାଲ ମାଧ୍ୟମରେ ଆବେଦନ କରିଛନ୍ତି। ଏହି ପୋର୍ଟାଲ ହେଉଛି ୨୯ ମାର୍ଚ୍ଚ ୨୦୨୩ ରେ ସୁପ୍ରିମକୋର୍ଟ ଦେଇଥିବା ଏକ ଆଦେଶର ଫଳାଫଳ । ସାହାରା ସମବାୟ ସମିତିର ଜମାକାରୀଙ୍କୁ ଫେରସ୍ତ କରିବାକୁ ପଦକ୍ଷେପ ନେବାକୁ ସୁପ୍ରିମକୋର୍ଟ ଆଦେଶ ଦେଇଛନ୍ତି।
ଜାଣନ୍ତୁ କେଉଁ ଡକ୍ୟୁମେଣ୍ଟ୍ ଆବଶ୍ୟକ
ଏଥିପାଇଁ ଆପଣଙ୍କ ପାଖରେ ଆଧାର କାର୍ଡ ନମ୍ବର, ଡିପୋଜିଟରଙ୍କ ମେମ୍ବରସିବ୍ ନମ୍ବର, ଜମା ପ୍ରମାଣପତ୍ର କିମ୍ବା ପାସବୁକ୍ ନମ୍ବର, ଆଧାର ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବର, ଯେଉଁଠିକୁ ଟଙ୍କା ରିଫଣ୍ଡ ଆସିବ ସେହି ଖାତାର ଆକାଉଣ୍ଟ୍ ନମ୍ବର ଓ ପାନ୍ କାର୍ଡ ଭଳି ଡକ୍ୟୁମେଣ୍ଟ ରହିବା ଆବଶ୍ୟକ। ଆଧାର ଲିଙ୍କ୍ ହୋଇଥିବା ବ୍ୟାଙ୍କ ଆକାଉଣ୍ଟ ବିନା ଜମାକାରୀ ଟଙ୍କା ଫେରସ୍ତ ପାଇଁ ଦାବି କରିପାରିବେ ନାହିଁ ।
ପଞ୍ଜୀକରଣ ଠାରୁ ଟଙ୍କା ପାଇବା ପର୍ଯ୍ୟନ୍ତ ପ୍ରକ୍ରିୟା କ’ଣ ରହିଛି ଜାଣନ୍ତୁ?
- ଆପଣଙ୍କୁ CRCS ସାହାରା ଫେରସ୍ତ ପୋର୍ଟାଲର ହୋମ୍ ପେଜକୁ ଯାଇ ଡିପୋଜିଟର୍ ରେଜିଷ୍ଟ୍ରେସନ୍ ଉପରେ କ୍ଲିକ୍ କରିବାକୁ ହେବ ।
- ଏଠାରେ ଆପଣଙ୍କୁ ଆଧାର କାର୍ଡର ଶେଷ ୪ ଅଙ୍କ ପାଇଁ ଏଣ୍ଟର କରିବାକୁ ହେବ ।
- ଏହା ବ୍ୟତୀତ ଆଧାର ସହିତ ସଂଯୁକ୍ତ ମୋବାଇଲ୍ ନମ୍ବର ମଧ୍ୟ ଦେବାକୁ ହେବ। ଏହାକୁ ସଠିକ୍ ଭାବରେ ପୁରଣ କରନ୍ତୁ ଏବଂ Get OTP ଉପରେ କ୍ଲିକ୍ କରନ୍ତୁ ।
- ପଞ୍ଜୀକୃତ ମୋବାଇଲ ନମ୍ବରରେ OTP ଆସିବ ଯାହାକୁ ଆପଣଙ୍କୁ ସ୍କ୍ରିନ୍ ଉପରେ ଏଣ୍ଟ୍ରି କରିବାକୁ ହେବ ।
ଏହି ପ୍ରକ୍ରିୟା ସମାପ୍ତ କରିବାକୁ OTP ଯାଞ୍ଚ କରନ୍ତୁ ଉପରେ କ୍ଲିକ୍ କରନ୍ତୁ । - ଏହାପରେ ପ୍ରୋସେସକୁ ପୂରା କରିବା ପାଇଁ ଫେରିଫାଏ ଓଟିପି ଉପରେ କ୍ଲିକ କରନ୍ତୁ । ଏବେ ଆପଣଙ୍କୁ କ୍ଲେମ୍ ସବମିଟ୍ କରିବାକୁ ହେବ ଯାହାଦ୍ବାରା ଆପଣଙ୍କୁ ଏକ ଆକ୍ନୋଲେଜମେଣ୍ଟ ନମ୍ବର ମିଳିବ ।
- ଏହା ସହିତ ଆପଣଙ୍କ ମୋବାଇଲକୁ ଏକ ମେସେଜ ମଧ୍ୟ ଆସିବ। ଫେରସ୍ତ ଦାବି ଦାଖଲ ତାରିଖ ଠାରୁ ୪୫ ଦିନ ପରେ ଜମାକାରୀଙ୍କ ଆକାଉଣ୍ଟକୁ ଫେରସ୍ତ ପଠାଯିବ । ଯଦି ୫୦,୦୦୦ ରୁ ଅଧିକ ଟଙ୍କା ଫେରସ୍ତ ପାଇବାର ଅଛି, ତେବେ ପାନ୍ କାର୍ଡ ରହିବା ବାଧ୍ୟତାମୂଳକ ଅଟେ ।
