ଭାରତୀୟ ବାୟୁସେନାକୁ ବାଲାକୋଟ ଏୟାର ଷ୍ଟ୍ରାଇକରେ ନିଜ କ୍ଷମତାର ଉଦାହରଣ ଦେଇଥିବା ସ୍ପାଇସ 2000 ବମର ଆଡ଼ଭାନ୍ସ ଭର୍ସନ ମିଳିବା ଆରମ୍ଭ ହୋଇଯାଇଛି । ଏହି ବମ ଯେକୌଣସି ପ୍ରକାର ବିଲଡିଂ ଏବଂ ବଙ୍କରକୁ ଧ୍ୱଂସ କରିବା ପାଇଁ ସକ୍ଷମ ଅଟେ । ନିଜର ତୀକ୍ଷ୍ଣ ଲକ୍ଷ୍ୟ ସଠିକ ଭାବେ ଭେଦ କରୁଥିବା ଏହି ବମ ଭାରତୀୟ ବାୟୁସେନାର ମେରୁଦଣ୍ଡ ଅଟେ । ଜାଣନ୍ତୁ କଣ ରହିଛି ଏହାର ସ୍ୱତନ୍ତ୍ରତା ।
ଇସ୍ରାଏଲ ଦ୍ୱାରା ବିକଶିତ ହୋଇଥିବା ସ୍ପାଇସ 2000 ଭାରତୀୟ ବାୟୁସେନାର ପାରମ୍ପରିକ ବମ ଅଟେ । ଯାହାର ପ୍ରୟୋଗ ଫ୍ରେଞ୍ଚର ମୀରାଜ 2000 ଯୁଦ୍ଧ ବିମାନରେ କରାଯାଇଥିଲା ।
ଏହାସହ ପଢନ୍ତୁ ୨୨ ବର୍ଷ ତଳୁ ହଜି ଯାଇଥିବା ବ୍ୟକ୍ତିଙ୍କୁ ଖୋଜି ବାହାର କଲା ଗୁଗଲ
- ସ୍ପାଇସ(SPICE)ର ଅର୍ଥ ହେଉଛି Smart, Precise Impact, Cost Effective ।
- ଏହି ବମ କୌଣସି ପ୍ରକାରର ବିଲଡିଂ ଏବଂ ବଙ୍କରକୁ ଧ୍ୱଂସ କରିବା ପାଇଁ ସକ୍ଷମ ଅଟେ । ଏହାଦ୍ୱାର ସବୁଠାରୁ ସୁରକ୍ଷିତ ସ୍ଥାନକୁ ମଧ୍ୟ ଧ୍ୱଂସ କରାଯାଇପାରେ ।
- SPICE-2000 ଏକ ବମ ନୁହେଁ ଏହା ଏକ ଗାଇଡେନ୍ସ କିଟ ଅଟେ ଯାହା ଏକ ଷ୍ଟାଣ୍ଡାର୍ଡ ୱାରହେଡ଼ ବା ବମ ସହିତ ଯୋଡ଼ା ଯାଇଥାଏ ।
- ଏହି ବମ ସଠିକ ଭାବେ ବହୁତ ଦୂରକୁ ଲକ୍ଷ ଭେଦ କରିପାରେ । ଲେଜର ଗାଇଡେଡ଼ ହେବା କାରଣରୁ ଅନେକ ଦୂରରେ ଥିବା ଲକ୍ଷକୁ ଏହା ଭେଦ କରିପାରେ ।
- Rafale Advanced Defense System ଦ୍ୱାରା ନିର୍ମିତ ଏହି ବମର ବ୍ୟବହାର ଭାରତ । ଇସ୍ରାଏଲ ସହିତ ଅନ୍ୟ ଦେଶ ଗୁଡିକର ବାୟୁସେନା ମଧ୍ୟ କରିଥାନ୍ତି ।
- ଲକ୍ଷ ଭେଦ କରିବା ପାଇଁ ଏହା ନିଜର ଗତିପଥ ନିଜେ ବଦଳାଇବାରେ ସକ୍ଷମ ଅଟେ । ଏହି ସ୍ମାର୍ଟ ବମର ଶୀର୍ଷରେ ଏକ କ୍ୟାମେରା ଲଗାଯାଇଥାଏ ଯାହାକି ଲକ୍ଷକୁ ସାଧନ କରିବାରେ ସାହାଯ୍ୟ କରିଥାଏ ।
- SPICE-2000 ବମ ଦୁଇଟି ଭର୍ସନରେ ଆସିଥାଏ । ଗୋଟିଏରେ ୧୦୦୦ କିଲୋଗ୍ରାମର ୱାରହେଡ଼ ରହୁଥିବା ବେଳେ ଅନ୍ୟଟିରେ ୫୦୦ କିଲୋଗ୍ରାମର ରହିଥାଏ ।
- ଏହି ବମରେ ଏକ ଚିପ ମାଧ୍ୟମରେ ଲକ୍ଷ ସମ୍ବନ୍ଧିତ ଡାଟା ଲୋଡ଼ କରାଯାଇଥାଏ ଏବଂ ଏହାପରେ ବମକୁ ଯୁଦ୍ଧ ବିମାନ ସହ ଫିଟ କରାଯାଇଥାଏ ।
- ଏହି ବମ ନିଜର ପୂର୍ବ ନିର୍ଦ୍ଧାରିତ ସ୍ଥାନରେ ପହଂଚିଗଲା ପରେ ନିଜ ସ୍ମାର୍ଟ ବମକୁ ଫାୟାର କରିଥାଏ ଏବଂ ତାପରେ ବମ ଭିତରେ ଥିବା ଅନବୋର୍ଡ କମ୍ପ୍ୟୁଟର ଏହାକୁ ପୂର୍ବରୁ ନିର୍ଦ୍ଧାରିତ ହୋଇ ରହିଥିବା ଲକ୍ଷର ଦିଗରେ ଆଗକୁ ବଢ଼ାଇଥାଏ ।
- ବମର ଶୀର୍ଷରେ ଲଗାଯାଇଥିବା କ୍ୟାମେରା ଯାହାକି କମ୍ପ୍ୟୁଟର ଦ୍ୱାରା ନିୟନ୍ତ୍ରିତ ହୋଇଥାଏ ସେ ଲକ୍ଷ ଭଳି ଦେଖାଯାଉଥିବା ଅନେକ ଚିତ୍ରକୁ ଅନବୋର୍ଡ଼ କମ୍ପ୍ୟୁଟରକୁ ପଠାଇଥାଏ ଯାହାକି ବାସ୍ତବିକ ଲକ୍ଷକୁ ଚିହ୍ନଟ କରି ତାକୁ ଧ୍ୱଂସ କରିଥାଏ ।