ହ୍ୟାକିଙ୍ଗ ମାଧ୍ୟମରେ ଏହି ଭାରତୀୟ ଯୁବକ କମାଇଲେ ୨.୨ କୋଟି ଟଙ୍କା
ଇଣ୍ଟର ନେଟ ହ୍ୟାକିଂ କଥା ଶୁଣିଲେ ସମସ୍ତଙ୍କ ମନରେ ଗୋଟେ ପ୍ରକାର ଛନକା ପଶିଯାଏ । ଏହି ଶବ୍ଦକୁ ଶୁଣିବା କ୍ଷଣି ଏକ ନେଗେଟିଭ ଚିନ୍ତାଧାରା ବି ମନକୁ ଆସେ । କିନ୍ତୁ ଆପଣ ହୁଏତ ସ୍ୱପ୍ନରେ ସୁଧା ଭାବିନଥିବେ ଏହି ମାଧ୍ୟମରେ ଲକ୍ଷ ଲକ୍ଷ ଟଙ୍କା ରୋଜଗାର ବି କରାଯାଇପାରିବ । କିନ୍ତୁ ହ୍ୟାକିଂଗର ବି ଏକ ପଜିଟିଭ ସାଇଟ ଅଛି । ଯାହାକୁ ଏଥିକାଲ ହ୍ୟାକିଂ କୁହାଯାଏ । ଏଥିକାଲ ହ୍ୟାକିଂ ମାଧ୍ୟମରେ କିଛି କମ୍ପାନୀ ଓ ଲୋକପ୍ରିୟ ୱେବସାଇଟ ମାନଙ୍କର ଲୁଫୋଲସ ବା ଅଭାବ ବିଷୟରେ ସହଜରେ ଜଣା ପଡିଥାଏ । ବର୍ତ୍ତମାନ ସମୟରେ ଆଇଟି ସେକ୍ଟରରେ ପୁରା ବିଶ୍ବରେ ଭାରତ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି । ଏହା ସହ ଏଥିକାଲ ହ୍ୟାକ୍ସର ମାନେ ଏକ୍ଷେତ୍ରରେ ମଧ୍ୟ ବିଶେଷ ସକ୍ରିୟ ହୋଇଯାଇଛନ୍ତି । ଏମାନଙ୍କୁ ଏଥିକାଲ ହ୍ୟାକର୍ସ କୁହାଯାଏ ।
ଏଯାବତ ଭାରତ ଜନ୍ମିତ ସିକୁରିଟି ରିସର୍ଚ୍ଚର ଆନନ୍ଦ ପ୍ରକାଶ ହ୍ୟାକିଂ ମାଧ୍ୟମରେ ହିଁ ୨.୨ କୋଟି ଟଙ୍କା ରୋଜଗାର କରିସାରିଲେଣି ।ଭେଲୋର ଇନଷ୍ଟିଟ୍ୟୁଟ ଅଫ ଟେକ୍ନୋଲୋଜିରୁ ନିଜ ପାଠପଢା ଶେଷ କରିଥିବା ଆନନ୍ଦ ୨୦୧୦ ମସିହାରେ ହ୍ୟାକିଂ କରିବା ଆରମ୍ଭ କରିଥିଲେ । ନିଜର ଏକ ସାଙ୍ଗର ଅନୁରୋଧରେ ହିଁ ଏକ ଲୋକପ୍ରିୟ ସାଇଟକୁ ହିଁ ହ୍ୟାକିଂ କରିଥିଲେ । ପରେ ଆନନ୍ଦ ଅନ୍ୟ କେତେକ ହ୍ୟାକିଂର ଅନ୍ୟାନ ଟେକନିକ ଓ ଟୁଲସ ବିଷୟରେ ତଥ୍ୟ ହାସଲ କରିବାକୁ ଲାଗିଥିଲେ । ଆନନ୍ଦ ନିଜ କଲେଜ କ୍ୟାରିୟରରୁ ହିଁ ବିଭିନ୍ନ ବଗ୍ସ ଖୋଜିବାରେ ଏକ୍ସପର୍ଟ ହୋଇଯାଇଥିଲେ । ସେହି ଦିନରୁ ହିଁ ହ୍ୟାକିଂଗ କରିବା ଆରମ୍ଭ କରିଦେଇଥିଲେ ।
ପ୍ରଥମେ ୨୦୧୩ ମସିହାରେ ଏକ ଲୋକପ୍ରିୟ ସୋସିଆଲ ସାଇଡର ଏକ ବଗର ପତା ଲଗେଇଥିଲେ । ଏଥିପାଇଁ ତାଙ୍କୁ ୫୦୦ ଡ଼ଲାର ବା ଭାରତୀୟ ମୁଦ୍ରାରେ ୩୫,୦୦୦ ଟଙ୍କାରେ ପୁରସ୍କୃତ ମଧ୍ୟ କରାଯାଇଥିଲା । ଖାଲି ଫେସବୁକ ନୁହେଁ ଆହୁରି କେତେକ ୱେବସାଇଟରେ ବଗ୍ସର ପତ୍ତା ଆନନ୍ଦ ଲଗେଇଥିଲେ । ଆନନ୍ଦ ଏବେ ନେଟୱର୍କିଙ୍ଗ ସାଇଟର ଟପ -୩ ରିସର୍ଚ୍ଚରଙ୍କ ଭିତରେ ନିଜ ସ୍ଥାନ ବନେଇ ସାରିଛନ୍ତି । ଏମିତିକି ଟପ ଏଥିକାଲ ହ୍ୟାକର୍ସ ମାନଙ୍କ ଲିଷ୍ଟରେ ବି ଟଙ୍କା ନାଁ ସାମିଲ ହୋଇସାରିଛି ।
