ଗୁଗଲ୍ ଡ୍ରାଇଭରେ ସେଭ୍ ଥିବା ଡାଟାର ନିଅନ୍ତୁ ବ୍ୟାକଅପ୍ । ନଚେତ୍ ହୋଇଯିବ ଡିଲିଟ୍ । ୟୁଜର୍ସଙ୍କୁ ଏଭଳି ଜରୁରୀ ସୂଚନା ଦେଇଛି ହ୍ବାଟ୍ସଆପ୍ । ୧୨ ନଭେମ୍ବର ୨୦୧୮ ମଧ୍ୟରେ ସେଭ୍ ଥିବା ଡାଟାର ବ୍ୟାକଅପ୍ ନରଖିଲେ ଡିଲିଟ୍ ହୋଇଯିବ ବୋଲି କହିଛି ହ୍ବାଟ୍ସଆପ୍ । ଏହା ସହ ଯେଉଁ ୟୁଜର୍ସମାନେ ଗତ ଏକ ବର୍ଷ ମଧ୍ୟରେ ହ୍ବାଟ୍ସଆପ ଡାଟାର ବ୍ୟାକଅପ୍ ନେଇ ନାହାଁନ୍ତି ସେମାନଙ୍କ ପାଖରେ ୩୦ ଅକ୍ଟୋବର ଯାଏଁ ସମୟ ଅଛି । ଏହି ସମୟ ମଧ୍ୟରେ ବ୍ୟାକଅପ୍ ନନେଲେ ଆପେ ଆପେ ଡାଟା ଡିଲିଟ୍ ହୋଇଯିବ ବୋଲି କହିଛି କମ୍ପାନୀ ।
ଜାଣନ୍ତୁ କାହିଁକି ନେବେ ହ୍ବାଟ୍ସଆପ୍ ଡାଟାର ବ୍ୟାକଅପ୍
ସୂଚନା ଅନୁସାରେ, ହ୍ବାଟ୍ସଆପ୍ ଏବଂ ଗୁଗଲର ପାର୍ଟନରସିପ୍ ପରେ ୟୁଜର୍ସଙ୍କୁ ଗୁଗଲ୍ ଡ୍ରାଇଭରେ ଫ୍ରି ସ୍ପେସ୍ ମିଳିବ । ଏହି ଚୁକ୍ତି ୧୨ ନଭେମ୍ବରରୁ ଆକ୍ଟିଭ୍ ହେବ । ଏମିତିରେ ଗୁଗଲ୍ ଡ୍ରାଇଭରେ ହ୍ବାଟ୍ସଆପ୍ ଷ୍ଟୋରେଜ୍ ଫ୍ରିରେ ପାଇବା ପାଇଁ ୟୁଜର୍ସଙ୍କୁ ୧ ବର୍ଷ ପୁରୁଣା ଡାଟାକୁ ମାନୁଆଲି ବ୍ୟାକଅପ୍ ନେବାକୁ ପଡିବ । ଏପରି ନକଲେ ଆପେ ଆପେ ଡାଟା ଡିଲିଟ୍ ହୋଇଯିବ ।