ବିଶ୍ୱର ଅନ୍ୟତମ ପ୍ରତିଷ୍ଠିତ ମୋବାଇଲ କମ୍ପାନୀ Vivo ଏମିତି ଏକ ସ୍ମାର୍ଟଫୋନ ଲଞ୍ଚ କରିବାକୁ ଯାଉଛି ଯାହାର ବ୍ୟାକ ପ୍ୟାନେଲର ରଙ୍ଗ ଆପେ ଆପେ ବଦଳି ଯିବ । କମ୍ପାନୀ ତରଫରୁ ଏହି ଫୋନ ବାବଦରେ ଏକ ଟିଜର ମଧ୍ୟ ଜାରି କରାଯାଇଛି । ଟିଜରରେ ଜାରି ତଥ୍ୟରୁ ଜଣାଯାଇଛିକି, ଏହି ସ୍ୱତନ୍ତ୍ର ଫୋନଟିର ବ୍ୟାକ ପ୍ୟାନେଲରେ ଏକ ଇଲେକ୍ଟ୍ରୋକ୍ରମିକ ଗ୍ଲାସ ବ୍ୟବହୃତ ହୋଇଛି । ଏହା ପୂର୍ବରୁ ଭିଭୋର ପ୍ୟାରେଣ୍ଟ କମ୍ପାନୀ BBK ଇଲେକ୍ଟ୍ରୋନିକ୍ସ ଏପରି ଏକ ସ୍ୱତନ୍ତ୍ର ଫୋନ ବାବଦରେ ସୂଚନା ଦେଇଥିଲେ । ଭିଭୋର ନିଜ ଫୋନର ବ୍ୟାକ ପ୍ୟାନେଲ ରଙ୍ଗ ବଦଳାଇବା ପାଇଁ ଇଲେକ୍ଟ୍ରୋନିକ୍ସ ଟେକ୍ନୋଲୋଜିର ବ୍ୟବହୃତ ହେବ । କହିରଖିବା ଉଚିତ ହେବକି, ଫୋନ ରଙ୍ଗ ବଦଳାଇବା ପାଇଁ ସାଇଡ ବଟନକୁ ଦବାଇବାକୁ ପଡିବ ।
ଆଉ ଫୋନର ରଙ୍ଗ ପର୍ଲ ହ୍ୱାଇଟରୁ ବଦଳି ଡ଼ିପ ବ୍ଲୁ ରଙ୍ଗକୁ ବଦଳି ଯିବ । One Plusର କନସେପ୍ଟ ସିଇଏସ ୨୦୨୦ରେ ଦେଖାଯାଇଥିବା ବେଳେ ଭିଭୋ ବି ସେହିଥିରୁ ପ୍ରେରିତ ହୋଇ ନିଜ ଫୋନର ଟିଜର ଜାରି କରିଛନ୍ତି । କିନ୍ତୁ ଭିଭୋ ଦ୍ୱାରା ଜାରି ହୋଇଥିବା ଟିଜରରେ ଫୋନର ନାମ ବାବଦରେ କୌଣସି ସୂଚନା ଦିଆଯାଇନାହିଁ । ଟିଜରରୁ ଜଣାଯାଇଛିକି, ଏହି ଫୋନରେ ଟ୍ରିପଲ ରିୟର କ୍ୟାମେରା ସୁବିଧା ଉପଲବ୍ଧ ହେବ । ଏହା ସହ ଡୁଆଲ ଏଲଇଡ଼ି ପ୍ଲସ ଲାଇଟ ସୁବିଧା ବି ମିଳିପାରିବ । କିନ୍ତୁ ଏହି ସ୍ପେଶାଲ ଫୋନର ଲଞ୍ଚକୁ ନେଇ କୌଣସି ପ୍ରକାର ସୂଚନା ଦିଆ ଯାଇନାହିଁ ।