ଖୁବ ଶୀଘ୍ର Whats app ଆଣୁଛି ନୂଆ ଫିଚର, ଏଣିକି ଭିଡିଓକୁ ବି କରାଯାଇ ପାରିବ ଏଡିଟ୍
ଲକ ଡାଉନ ଆରମ୍ଭ ହେବା ପରଠାରୁ ହିଁ Whats App କ୍ରମାଗତ ଭାବେ ନୂଆ ନୂଆ ଫିଚର ମାନ ଲଂଚ କରିବାରେ ଲାଗିଛି । ଏହି ନିକଟରେ ହିଁ କମ୍ପାନୀ ନିଜ ବହୁ ପ୍ରତିକ୍ଷିତ ଫିଚର whatsapp pay ଭାରତୀୟ ବଜାରରେ ଲଞ୍ଚ କରିଥିଲା । ଏହା ବାଦ ନିକଟରେ ହିଁ କମ୍ପାନୀ ତରଫରୁ Disappearing Messages ଫିଚର ବିଶ୍ୱସ୍ତରରେ ଲଞ୍ଚ କରାଯାଇଥିଲା । ଏହି ଫିଚର କାର୍ଯ୍ୟକାରୀ ହେବା ପରେ ୟୁଜରଙ୍କ ଦ୍ୱାରା ପଠା ଯାଇଥିବା ମେସେଜ ମାତ୍ର ୭ ଦିନ ଭିତରେ ଆପେ ଆପେ ଡିଲିଟ ହୋଇଯିବ ।
ଏବେ ନିଜ ଭିଡିଓ ଫାଇଲ ଡିଲିଟ କରିବା ବା ଏଡ଼ିଟ ଫିଚର ଉପରେ କାମ ଆରମ୍ଭ କରିଛି Whatsapp କମ୍ପାନୀ । ନୂଆ ଅପଡ଼େଟ ଜାରି ହେବା ପରେ ଆପଣ whatsapp ଜରିଆରେ ଭିଡିଓ ପଠାଇବା ପୂର୍ବରୁ ୟୁଜର ମାନେ ଏଡିଟ କରି ସେଥିରେ ଥିବା ସାଉଣ୍ଡକୁ ମ୍ୟୁଟ କରି ଦେଇପାରିବେ । ଅର୍ଥାତ କାହାରିକୁ ଭିଡିଓ ପଠାଇବା ପୂର୍ବରୁ ତାକୁ ମ୍ୟୁଟ କରାଯାଇପାରିବ । ଆଉ ଏହି ଫିଚରର ବ୍ୟବହାର whatsapp ସ୍ଟାଟସରେ ବି କରାଯାଇପାରିବ ।
WA BetaInfo ତରଫରୁ ପ୍ରଥମେ ଏବାବଦରେ ସୂଚନା ଦିଆଯାଇଥିବା ବେଳେ ଏକ ସ୍କ୍ରିନସଟ ସେୟାର କରାଯାଇଛି । ଯେଉଁଥିରେ ଏକ ସ୍ପିକର ଆଇକନ ବି ଦେଖାଯାଇଛି । ଭିଡିଓ ପଠାଇବା ପୂର୍ବରୁ ଏହି ସ୍ପିକର ଆଇକନରେ କ୍ଲିକ କରି ଭିଡିଓକୁ ମ୍ୟୁଟ କରାଯାଇ ପାରିବ । କହିରଖିବା ଉଚିତ ହେବଯେ, ଏହି ନୂଆ ଫିଚର ବିଟା ଭର୍ଜନ ଜରିଆରେ ହିଁ କାର୍ଯ୍ୟ କରିବ ।
