ଗୁଗୁଲ୍ କ୍ରୋମ୍ ୟୁଜର୍ସଙ୍କ ପାଇଁ ଚେତାବନୀ ! ଲିକ୍ ହୋଇପାରେ ଆପଣଙ୍କ ଡାଟା, ତୁରନ୍ତ ଫୋନରୁ କରନ୍ତୁ ଡିଲିଟ୍
ଯଦି ଆପଣ ଆପଣଙ୍କର ସ୍ମାର୍ଟଫୋନରେ ଗୁଗୁଲ୍ କ୍ରୋମ୍ ବ୍ରାଉଜର୍ ବ୍ୟବହାର କରୁଛନ୍ତି ତେବେ ଆପଣଙ୍କୁ ସତର୍କ ହେବା ଆବଶ୍ୟକ। ଏହି ବ୍ରାଉଜରରୁ ଆପଣଙ୍କର ବ୍ୟକ୍ତିଗତ ତଥ୍ୟ ଲିକ୍ ହୋଇପାରେ। Forbes ର ଏକ ରିପୋର୍ଟ ଅନୁଯାୟୀ, ପ୍ରାଇଭେସି ଏବଂ ଡାଟା ଲିକ୍ ଯୋଗୁଁ ଯଥାଶୀଘ୍ର କ୍ରୋମ ବ୍ରାଉଜରକୁ ମୋବାଇଲ୍ ଫୋନରୁ ଡିଲିଟ କରିବାକୁ ୟୁଜର୍ସଙ୍କୁ ଚେତାବନୀ ଦିଆଯାଇଛି। ଆପଣମାନେ ହୁଏତ ଏନେଇ ଅଜଣା ଥିବେ ଯେ ଏହି କାର୍ଯ୍ୟ ଆପଣଙ୍କର ବିନା ଅନୁମତିରେ କରାଯାଉଛି । କମ୍ପାନୀ ଆପଣଙ୍କର ଲୋକେସନକୁ ଟ୍ରାକ କରିବା ସହିତ ସମସ୍ତ ପ୍ରକାର କ୍ରିଟିକାଲ ଡାଟାକୁ ମନିଟର କରୁଛି । ଆସନ୍ତୁ ଜାଣିବା ଏହାର ସମଗ୍ର ବିଷୟରେ ?
Forbesର ଏକ ରିପୋର୍ଟ ଅନୁଯାୟୀ, ଏହାର ବ୍ୟବହାରକାରୀଙ୍କ ପ୍ରାଇଭେସି ଏବଂ ଡାଟା ଲିକ୍ ହେତୁ ତୁରନ୍ତ ସ୍ମାର୍ଟଫୋନରୁ କ୍ରୋମ ବ୍ରାଉଜରକୁ ହଟାଇବାକୁ ଚେତାବନୀ ଦିଆଯାଇଛି। ଏହି ବ୍ରାଉଜର ମାଧ୍ୟମରେ ବ୍ୟବହାରକାରୀଙ୍କ ତଥ୍ୟ ଲିକ୍ ହୋଇପାରିବ ବୋଲି କୁହାଯାଇଛି। ବିଗତ ଦିନରେ, ଏହା ମଧ୍ୟ ଅଭିଯୋଗ ହୋଇଥିଲା ଯେ ଫେସବୁକ ଏହାର ବ୍ୟବହାରକାରୀଙ୍କ ଲୋକେସନ ତଥା ପ୍ରତ୍ୟେକ କାର୍ଯ୍ୟକଳାପ ଏବଂ ତଥ୍ୟ ସଂଗ୍ରହ କରୁଛି।
କେବଳ ମୋବାଇଲ୍ ପାଇଁ ଏହି ଆଲର୍ଟ ଜାରି କରାଯାଇଛି। ଡେସ୍କଟପ୍ ବ୍ୟବହାରକାରୀଙ୍କ ପାଇଁ ସେପରି କୌଣସି ବିପଦ ନାହିଁ । ଆପଣ ଏହାକୁ ବିନା ଭୟରେ କମ୍ପ୍ୟୁଟର କିମ୍ବା ଲାପଟପରେ ବ୍ୟବହାର କରିପାରିବେ। ପ୍ରାଇଭେସି ଲିକ୍ ହେବା ପ୍ରସଙ୍ଗ କେବଳ ସ୍ମାର୍ଟଫୋନ୍ ସହିତ ରହିଛି।
ଏହି ରିପୋର୍ଟରେ କୁହାଯାଇଛି ଯେ ଫେସବୁକ ନିଜ ପାଇଁ ବ୍ୟବହାରକାରୀଙ୍କ ତଥ୍ୟ ଚୋରି କରୁଥିବାବେଳେ କ୍ରୋମ ବ୍ରାଉଜର ବ୍ୟବହାରକାରୀଙ୍କ ପ୍ରତ୍ୟେକ କାର୍ଯ୍ୟକଳାପ ଉପରେ ନଜର ରଖିବା ସହିତ ଥାର୍ଡ଼ ପାର୍ଟି ତଥ୍ୟ ଚୋରି କରୁଛି। ଗତ ମାସରେ ମଧ୍ୟ ଏଭଳି ଅଭିଯୋଗ କରାଯାଇଥିଲା।
