ଆମେରିକାର ପାଳନ କରାଯାଏ ଶ୍ରେୟା ଘୋଷାଲ ଡେ’, ଜାଣନ୍ତୁ କାହିଁକି ?
୩୯ ବର୍ଷରେ ପାଦ ଦେଲେ ଶ୍ରେୟା । ହେଲେ ଆଜି ନୁହେଁ ଜୁନ ୨୬ ତାରିଖରେ ଆମେରିକାରେ ପାଳନ କରାଯାଏ ଶ୍ରେୟା ଘୋଷାଲ ଡେ । ଏହି ଦିନ ଶ୍ରେୟାଙ୍କ ନାମରେ ସମର୍ପିତ ରହିଥାଏ ।
ଗାୟିକା ଶ୍ରେୟା ଘୋଷାଲଙ୍କ ସ୍ୱରରେ ସମସ୍ତେ ପାଗଳ । ଶ୍ରେୟାଙ୍କୁ କୌଣସି ପରିଚୟ ଆବଶ୍ୟକତା ନାହିଁ । ପଶ୍ଚିମବଙ୍ଗର ମୁର୍ଶିଦାବାଦରେ ୧୨ ମାର୍ଚ୍ଚ ୧୯୮୪ରେ ଜନ୍ମଗ୍ରହଣ କରିଥିଲେ ଶ୍ରେୟା । ନିଜର ଯାଦୁଗରୀ ସ୍ୱରରେ ଅନେକ ଆଓ୍ଵାର୍ଡ ନିଜ ନାମରେ କରିସାରିଛନ୍ତି । ଶ୍ରେୟା ଏମିତି କିଛି କୃତ୍ତିତ୍ୱ ଅର୍ଜନ କରିଛନ୍ତି, ଯେଉଁଥିପାଇଁ କେବଳ ଦେଶ ନୁହେଁ ଦେଶ ବାହାରେ ମଧ୍ୟ ତାଙ୍କର ନାମ ରହିଛି। ତାଙ୍କ ଫ୍ୟାନ୍ସ ଲିଷ୍ଟରେ ଆମେରିକାର ଗର୍ଭନର ମଧ୍ୟ ସାମିଲ ରହିଛନ୍ତି ।
ତେବେ ଶ୍ରେୟାଙ୍କର ଆଜି ଜନ୍ମଦିନ ରହିଥିବା ବେଳେ ଆମେରିକାରେ ୨୬ ଜୁନରେ ଶ୍ରେୟା ଘୋଷାଲ ଡେ’ ପାଳନ କରାଯାଏ । ଏହି ଦିନ ଶ୍ରେୟାଙ୍କ ନାମରେ ସମର୍ପିତ ରହିଥାଏ । ୨୦୧୦ରେ ଶ୍ରେୟା ଆମେରିକାର ଓହିୟୋକୁ ଯାଇଥିଲେ । ସେଠିକାର ଗଭର୍ନର ଟେଡ୍ ଷ୍ଟ୍ରିକଲ୍ୟାଣ୍ଡ ୨୬ ଜୁନକୁ ଶ୍ରେୟା ଘୋଷାଲ ଡେ’ ପାଳନ କରିବାକୁ ପାଇଁ ଘୋଷଣା କରିଥିଲେ ।
ମାତ୍ର ୬ ବର୍ଷ ବୟସରେ ସଂଗୀତ ଶିକ୍ଷା ନେଇଥିବା ଶ୍ରେୟା ୧୬ ବର୍ଷ ବୟସରେ ମ୍ୟୁଜିକ ରିଆଲିଟି ଶୋ ସା ରେ ଗା ମା ର ବିଜେତା ହୋଇଥିଲେ । ୨୦୦୦ ମସିହାରେ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ‘ଦେବଦାସ’ରେ ୫ଟି ଗୀତ ଗାଇ ଲୋକଙ୍କ ହୃଦୟରେ ରାଜ କରୁଛନ୍ତି ଶ୍ରେୟା । ସେବେ ଠାରୁ ଆଉ ସେପଛକୁ ଫେରି ଯାଉନାହାନ୍ତି ।
ବଲିଉଡରେ ଅନେକ ଗାୟକ, ଗାୟିକା ଥିବା ସତ୍ତ୍ୱେ ଶ୍ରେୟାଙ୍କର ଏକ ସ୍ୱତନ୍ତ୍ରସ୍ଥାନ ରହିଛି । ଶ୍ରେୟା ପ୍ରତି ଗୀତ ପାଇଁ ୨୫ ରୁ ୨୭ ଲକ୍ଷ ଟଙ୍କା ନିଅନ୍ତି ।
View this post on Instagram
ଶ୍ରେୟା ତାଙ୍କ ପିଲାଦିନର ବନ୍ଧୁ ଶିଲାଦିତ୍ୟ ମୁଖୋପାଧ୍ୟାୟଙ୍କୁ ୨୦୧୫ ରେ ବିବାହ କରିଥିଲେ। ବିବାହ ପୂର୍ବରୁ ଦୁହେଁ ପ୍ରାୟ ୧୦ ବର୍ଷ ଧରି ପରସ୍ପରକୁ ଡେଟ କରିଥିଲେ, ଯାହା ପରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଥିଲେ। ବିବାହର ୫ ବର୍ଷ ପରେ ତାଙ୍କର ଏପ ପୁଅ ଜନ୍ମ ହୋଇଥିଲା ।
