ଇ-ସ୍କୁଟର ବଜାରରେ ହୋଣ୍ଡାର ଏଣ୍ଟ୍ରି, ଲଞ୍ଚ କଲା Honda EM1
ଜାପାନିଜ 2 ହ୍ଵିଇଲର ନିର୍ମାତା ହୋଣ୍ଡା ଏହାର ପ୍ରଥମ Honda EM1 ବଜାରରେ ଲଞ୍ଚ କରିଛି । ୨୦୨୫ ସୁଦ୍ଧା କମ୍ପାନୀ ପକ୍ଷରୁ ଏପରି ୧୦ଟି ଇ-ସ୍କୁଟରର ଲଞ୍ଚ କରାଯିବ । ଏଥିରେ କମ୍ପାନୀ ହୋଣ୍ଡା ମୋବାଇଲ ପାଓ୍ଵାର ପେକ୍ ବ୍ୟାଟେରୀର ବ୍ୟବହାର କରିଛି । ସିଙ୍ଗଲ ଚାର୍ଜରେ ୪୧.୩ କିଲୋମିଟର ଯାତ୍ରା କରାଯାଇ ପାରିବ ।
କେନ୍ୟୁଜ୍(ବ୍ୟୁରୋ): ତେଲଦର ବଢୁଥିବା ବେଳେ ଇଲେକ୍ଟ୍ରି ଭେକିଲର ଚାହିଦା ବଢିବାରେ ଲାଗିଛି । ବିଶେଷକରି ସିଟି ଭିତରେ ଲୋକେ ଇଲେକ୍ଟ୍ରି ସ୍କୁଟର ବ୍ୟବହାର କରିବାକୁ ପସନ୍ଦ କରୁଛନ୍ତି । ଏହା ଲୋକଙ୍କ ଖର୍ଚ୍ଚ କମାଇବା ସହ ସୁବାଧାଦାୟକ ହେଉଛି । ଇ-ସ୍କୁଟର ବଜାରରେ ପୂର୍ବରୁ ବିଭିନ୍ନ ବଡ଼ ବଡ଼ ବ୍ରାଣ୍ଡ ଏଣ୍ଟ୍ରି କରି ସାରିଥିବା ବେଳେ ଏବେ ହୋଣ୍ଡା ଏହି ବଜାରରେ ଏଣ୍ଟ୍ରି କରିଛି । ଜାପାନିଜ 2 ହ୍ଵିଇଲର ନିର୍ମାତା ହୋଣ୍ଡା ଏହାର ପ୍ରଥମ Honda EM1 ବଜାରରେ ଲଞ୍ଚ କରିଛି । ଆଗମୀ ୨୦୨୫ ସୁଦ୍ଧା କମ୍ପାନୀ ପକ୍ଷରୁ ଏପରି ୧୦ଟି ଇ-ସ୍କୁଟରର ଲଞ୍ଚ କରାଯିବ ।
Honda EM1 କୁ କମ୍ପାନୀ ଯୁବପିଢିଙ୍କୁ ଧ୍ୟାନରେ ରଖି ତିଆରି କରିଛି । EM ର ଅର୍ଥ ହେଲା ଇଲେକ୍ଟ୍ରି ମୋପେଡ । ଯାହାକୁ ସହରର ରାସ୍ତାରେ ନିତିଦିନର ବ୍ୟବହାର ପାଇଁ ଡିଜାଇନ କରାଯାଇଛି । ଏଥିରେ କମ୍ପାନୀ ହୋଣ୍ଡା ମୋବାଇଲ ପାଓ୍ଵାର ପେକ୍ ତଥା ସ୍ୱେପେବଲ ବ୍ୟାଟେରୀର ବ୍ୟବହାର କରିଛି । କମ୍ପାନୀ ପକ୍ଷରୁ ଦାବି କରାଯାଇଛି ଏହାକୁ ସିଙ୍ଗଲ ଚାର୍ଜରେ ୪୧.୩ କିଲୋମିଟର ଯାତ୍ରା କରାଯାଇ ପାରିବ । ଏହାସହ ଏହାର ଟପସ୍ପଡ ରହିଛି ୪୫ କିଲୋମିଟର ପ୍ରତି ଘଣ୍ଟା । ଏଥିରେ ଖଞ୍ଜା ଯାଇଥିବା ଇଲେକ୍ଟ୍ରି ମୋଟରରୁ 0.58 କିଲୋଓ୍ଵାଟ କ୍ଷମତାର ପାଓ୍ଵାର ଆଉଟପୁଟ ସହ 1.7କିଲୋଓ୍ଵାଟ ଟାର୍କ ଜେନେରେଟ କରିଥାଏ । ECON ମୋଡରେ ଏହାର ଆଉଟପୁଟ ରହିଛି 0.86 କିଲୋଓ୍ଵାଟ । କମ୍ପାନୀ ପକ୍ଷରୁ ଦାବି କରାଯାଇଛି ୭୫ କିଗ୍ରା ଓଜନ ସହ ୧୦ ଡିଗ୍ରୀ ଆଙ୍ଗେଲରେ ଉପରକୁ ଚଢି ପାରିବ ।
Honda EM1 ରେ କମ୍ପାନୀ ପକ୍ଷରୁ ମୋବାଇଲ ପାଓ୍ଵାର ପେକ ବ୍ୟାଟେରୀର ବ୍ୟବହାର କରାଯାଇଛି । ଏହି ବ୍ୟାଟେରୀକୁ ଆପଣ ସ୍କୁଟରରୁ କାଢିନେଇ ଘରେ ଲାଗିଥିବା ଚାର୍ଜରରେ ଲଗେଇକି ଚାର୍ଜ କରିପାରିବେ । ଏହି ଇଲେକ୍ଟ୍ରି ସ୍କୁଟରରେ କମ୍ପାନୀ ଡିଜିଟାଲ ଡିସପ୍ଲେ, ଅଣ୍ଡରସିଟ୍ ଷ୍ଟୋରେଜ ସ୍ପେସ, ୟୁଏସବି ସକେଟ, ପିଲିୟନ ଫୁଟପେଗ୍ସ ଓ ରିଅର କ୍ୟାରିଅରର ସୁବିଧା ଦେଇଛି ।
ଏହି ସ୍କୁଟର ୧୮୬୦ ମିଲିମିଟର ଲମ୍ବା ରହିଛି । ଏହାର ସିଟର ଉଚ୍ଚତା ୭୪୦ ମିଲିମିଟର ରହିଛି । ଏହାସହ ଏହାର ୧୩୫ ମିଲିମିଟର ଗ୍ରାଉଣ୍ଡ କ୍ଲିଲିଅରାନ୍ସ ରହିଛି । ବ୍ୟାଟେରି ସହ ଏହାର ଓଜନ ୯୫ କିଲୋଗ୍ରାମ ରହିଛି । କମ୍ପାନୀ ପକ୍ଷରୁ କୁହାଯାଇଛି କି ଏହା ହାଲୁକା ହୋଇଥିଲେ ସୁଦ୍ଧା ଏହା ଭଲ ପରଫରମାନ୍ସ ରହିଛି । ଏହାର ଆଗରେ ୩୧ ମିଲିମିଟର ଟେସଲିସ୍କୋପିକ ଫାର୍କ ରହିଛି । ଏହାର ପଛରେ ଡବଲ ଟ୍ୟୁବ ସକ ଅବଜରବର ଦିଆଯାଇଛି । ଆଗର ଚକ ଆଲୁମିନିୟମରେ ତିଆରି ହୋଇଛି । ପଛଚକ ଆଲୁମିନିୟମ ଓ ଷ୍ଟିଲର ମିଶ୍ରଣରେ ତିଆରି ହୋଇଛି । ଏହାର ଆଗରେ ସିଙ୍ଗଲ ପିଷ୍ଟନ କେଲିପର ଡ଼ିକ୍ସ ବ୍ରେକ ରହିଛି । ସେହିପରି ପଛରେ ୧୧୦ ମିଲିମିଟର ଡ୍ରମ ବ୍ରେକ ରହିଛି । ଏଥିରେ ରହିଛି କମ୍ବାଇନ ବ୍ରେକିଙ୍ଗ ସିଷ୍ଟମ । ଯାହା ଦ୍ରୁତ ଗତିରେ ମଧ୍ୟ ବ୍ରେକ ଲଗାଇଲେ ଗାଡ଼ିକୁ ବାଲାନ୍ସ କରିବ ।
