ସହଜରେ ଲୋନ ପାଇବା ପାଇଁ ଚାଁହୁଛନ୍ତି କି ? ନିଜର କ୍ରେଡିଟ ସ୍କୋର ସୁଧାରିବା ପାଇଁ ଆପଣାନ୍ତୁ ଏହି ତିନୋଟି ଉପାୟ
ଯଦି ଆପଣ କୌଣସି ବ୍ୟାଙ୍କରୁ ଋଣ ନେବାକୁ ଯାଆନ୍ତି ତାହେଲେ ସର୍ବପ୍ରଥମେ ବ୍ୟାଙ୍କର କାମ ହେଉଛି ଆପଣଙ୍କର ଆର୍ଥିକ ସ୍ଥିତି ଖୋଜିବା । ବ୍ୟାଙ୍କମାନେ ଏହା ଏଥିପାଇଁ କରନ୍ତି ଯାହା ଦ୍ୱାରା ଗ୍ରାହକ ସମୟ ଆସିଲେ ଟଙ୍କା ଫେରସ୍ତ କରିପାରିବେ କି ନାହିଁ ତାହା ସ୍ଥିର ହୋଇପାରିବ । ଏହି ପ୍ରକ୍ରିୟାରେ କ୍ରେଡିଟ୍ ସ୍କୋର ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ।
ଏକ କ୍ରେଡିଟ୍ ସ୍କୋର ଗ୍ରାହକଙ୍କ କ୍ରେଡିଟ୍ ବିଷୟରେ ସୂଚନା ଦେଇଥାଏ ଏବଂ ଏହା ଦ୍ୱାରା ବ୍ୟାଙ୍କକୁ ଗ୍ରାହକଙ୍କ କ୍ରେଡିଟ୍ ହିଷ୍ଟ୍ରୀ ଜଣାପଡ଼ିଥାଏ । ବିଶ୍ୱାସ କରାଯାଏ ଯେ କ୍ରେଡିଟ୍ ସ୍କୋର ଯେତେ ଭଲ, ବ୍ୟାଙ୍କରୁ ଋଣ ପାଇବା ସେତେ ସହଜ ହୋଇଥାଏ । ସାଧାରଣତଃ କ୍ରେଡିଟ୍ ସ୍କୋର ରେଞ୍ଜ 300-900 ମଧ୍ୟରେ ହୋଇଥାଏ କିନ୍ତୁ 550-700 ମଧ୍ୟରେ ସ୍କୋର ଠିକ ଏବଂ 700-900 ମଧ୍ୟରେ ସ୍କୋର ବହୁତ ଭଲ ବୋଲି ବିବେଚନା କରାଯାଏ । ତେବେ ଆପଣ କିପରି ନିଜର କ୍ରେଡିଟ୍ ସ୍କୋରକୁ ଭଲ ରଖିପାରିବେ ସେଥିପାଇଁ ଆପଣ ଏହି ସବୁ ପଦକ୍ଷେପ ଗ୍ରହଣ କରିପାରିବେ ।
ଯଦି ଆପଣ ଋଣ ନେଇଛନ୍ତି କିମ୍ବା ଆପଣଙ୍କର କ୍ରେଡିଟ୍ କାର୍ଡ ବାକି ଅଛି, ତେବେ ତାହା ଠିକ୍ ସମୟରେ କରନ୍ତୁ । ଏହା ନ କରିବା ଦ୍ୱାରା ତାହା କ୍ରେଡିଟ୍ ସ୍କୋର ଉପରେ ନକରାତ୍ମକ ପ୍ରଭାବ ପକାଇଥାଏ । ଏଥିପାଇଁ ଅନୁଶାସନ ବଜାୟ ରଖନ୍ତୁ, ଯାହା ଆପଣ ଅଟୋ ଡେବିଟ୍ ଏବଂ ରିମାଇଣ୍ଡର୍ ପ୍ରୟୋଗ କରି ମଧ୍ୟ କରିପାରିବେ ।
ଜଣେ ବ୍ୟକ୍ତି ଯିଏ କାହାଠାରୁ ଋଣ ନେଇଛନ୍ତି ଏବଂ ତାଙ୍କର ଋଣ ପରିଶୋଧ କରିବାର ଭଲ ରେକର୍ଡ ଅଛି, ଏପରି ପରିସ୍ଥିତିରେ ଉକ୍ତ ବ୍ୟକ୍ତିଙ୍କ କ୍ରେଡିଟ୍ ସ୍କୋର ସେହି ବ୍ୟକ୍ତିଙ୍କ ତୁଳନାରେ ବହୁତ ଭଲ ହେବ, ଯିଏ ଋଣ ପରିଶୋଧ କରିନାହାଁନ୍ତି । ଏକ ଭଲ କ୍ରେଡିଟ ସ୍କୋର ପାଇବା ପାଇଁ ଭଲ ଲୋନ ହିଷ୍ଟ୍ରୀର ଆବଶ୍ୟକତା ଅଛି । ଏଥିରେ ସୁରକ୍ଷିତ କିମ୍ବା ଅସୁରକ୍ଷିତ, ସ୍ୱଳ୍ପ ଏବଂ ଦୀର୍ଘ ମିଆଦି କିମ୍ବା ବିଭିନ୍ନ ପ୍ରକାରର ଋଣ ଅନ୍ତର୍ଭୁକ୍ତ ହୋଇପାରେ ।
ଜଏଣ୍ଟ ଆକାଉଣ୍ଟ ଉପରେ ନଜର ରଖିବା ଜରୁରୀ
ଯଦି ଆପଣ କୌଣସି ଲୋନର ଜଏଣ୍ଟ ହୋଲଡ଼ର ଅଛନ୍ତି ତେବେ ଆପଣଙ୍କୁ ଲୋନର ରିପେମେଣ୍ଟ ଉପରେ ନଜର ରଖିବା ନିହାତି ଜରୁରୀ । ଜଏଣ୍ଟ ଲୋନ କ୍ଷେତ୍ରରେ ଗ୍ରାହକ ଉପରେ EMI ଦେୟ ପାଇଁ ସମାନ ଦାୟିତ୍ତ୍ୱ ରହିଥାଏ । କ୍ରେଡିଟ୍ ସ୍କୋର ଉପରେ ଏହାର ସିଧାସଳଖ ପ୍ରଭାବ ପଡିଥାଏ । ଯେତେବେଳେ ଆପଣ ଅନ୍ୟ କାହାର ଋଣ ପାଇଁ ଗ୍ୟାରେଣ୍ଟି ନିଅନ୍ତି ସେତେବେଳେ ମଧ୍ୟ ଏହି ଜିନିଷ ପ୍ରଯୁଜ୍ୟ । ଏହିପରି ଋଣ ପରିଶୋଧ ପାଇଁ ଗ୍ୟାରେଣ୍ଟର୍ ମଧ୍ୟ ସମାନ ଭାବରେ ଦାୟୀ ।
