Jio ର ମହାଧମାକା : ଏବେ ଟିଭିରେ ୫ ବର୍ଷ ପାଇଁ ମାଗଣା ଦେଖିପାରିବେ କ୍ରିକେଟ୍ ,ଜାଣନ୍ତୁ କେମିତି କରିବେ ରେଜିଷ୍ଟ୍ରେସନ୍
ଟେଲିକମ୍ ସେକ୍ଟରରେ ଧମାଲ୍ ମଚାଇବା ପରେ ଏବେ ଭାରତୀୟ ବ୍ରଡବ୍ଯାଣ୍ଡରେ ଏଣ୍ଟ୍ରି କରିଛି ଜିଓ । ଲଂଚ୍ ହେଲା ଜିଓ ଗିଗା ଫାଇବର୍ ସେବା । ଆଉ ଆସୁ ଆସୁ ନିଜ ଗ୍ରାହକଙ୍କୁ ଜବରଦସ୍ତ ଉପହାର ଦେଇଛି ଜିଓ । ନିଜ ଗ୍ରାହକଙ୍କୁ ଆକର୍ଷିତ କରିବା ପାଇଁ ଷ୍ଟାର୍ ଇଣ୍ଡିଆ ସହ ପାର୍ଟନରସିପ୍ କରିଛି ଜିଓ । ଯାହା ଫଳରେ ଗ୍ରାହକ ଏବେ କ୍ରିକେଟର ସବୁ ମ୍ଯାଚ୍ ଲାଇଭ୍ ଦେଖିପାରିବେ । ତାହା ପୁଣି ୫ ବର୍ଷ ପାଇଁ ।
ଗତ ମାସରୁ ହିଁ ଏଥିପାଇଁ ରେଜିଷ୍ଟ୍ରେସନ୍ ଆରମ୍ଭ କରିଦେଇଛି କମ୍ପାନୀ । କିଛି ପ୍ରିଭ୍ଯୁ ଅଫର୍ ମଧ୍ୟ କରିଛି ଜିଓ । ଏହି ଅଫର୍ ଅନୁଯାୟୀ, ଗ୍ରାହକଙ୍କୁ ୯୦ ଦିନ ଯାଏଁ ୩୦୦ ଜିବି ଡାଟା ମିଳିବ । ତେବେ ଏହି ଅଫରର ଲାଭ ଉଠାଇବା ପାଇଁ ହେଲେ ଗ୍ରାହକଙ୍କୁ ୪,୫୦୦ଟଙ୍କା ସିକ୍ଯୁରିଟି ଜମା କରିବାକୁ ପଡିବ ଯାହା ରିଫଣ୍ଡେବଲ୍ । ଏହି ଡିପୋଜିଟ୍ ଗ୍ରାହକ ଡେବିଟ୍ କାର୍ଡ, କ୍ରେଡିଟ୍ କାର୍ଡ, ଜିଓ ମନି କିମ୍ବା ପେଟିଏମ୍ ମାଧ୍ୟମରେ କରି ପାରିବେ ।
ତେବେ ଯଦି ଆପଣ ଏହି ଜିଓ ଗିଗା ଫାଇବର୍ ସେବା ଚାହୁଁଛନ୍ତି ତେବେ ଜାଣନ୍ତୁ କେମିତି କରିବେ ରେଜିଷ୍ଟ୍ରେସନ୍ :
- ଗିଗାଫାଇବାର୍ ପାଇଁ ରେଜିଷ୍ଟ୍ରେସନ୍ କରିବା ପାଇଁ ପ୍ରଥମେ ରିଲାଏନ୍ସ ଜିଓର ୱେବସାଇଟରେ ଲଗଇନ୍ କରନ୍ତୁ ।
- ଏହା ପରେ ୱେବସାଇଟର ସବୁଠାରୁ ଉପରେ ଜିଓ ଗିଗାଫାଇବରର ବ୍ଯାନର୍ ଦେଖାଯିବ ।
- ସେହି ବ୍ଯାନରରେ ଆପଣଙ୍କୁ ଲାଲ୍ ରଙ୍ଗର ଏକ ବଟନ୍ ଦେଖାଯିବ ଯେଉଁଥିରେ ‘invite Jio GigaFiber now’ ଲେଖାଥିବ ।
- ଏବେ ଏହି ବଟନ୍ ଉପରେ କ୍ଲିକ୍ କରନ୍ତୁ । କ୍ଲିକ୍ କରିବା ପରେ ଏକ ନୂଆ ପେଜ୍ ଖୋଲିବ ଯେଉଁଥିରେ ଆପଣଙ୍କୁ ଲୋକେସନ୍ ଏବଂ ଠିକଣା ଭରିବାକୁ ପଡିବ ।
- ଠିକଣା ଭରିବା ପରେ ଏକଥା ସୂଚନା ଦେବାକୁ ପଡିବ ଏହା ଆପଣଙ୍କ ଘର ନା ଅଫିସ୍ ଠିକଣା । ଏହା ପରେ ପ୍ରୋସିଡ୍ ଉପରେ କ୍ଲିକ୍ କରିବାକୁ ପଡିବ ।
- ଏବେ ଏହା ପରେ ଓଟିପି ଜେନେରେଟ୍ କରିବା ପାଇଁ ନିଜ ନାଁ ଏବଂ ମୋବାଇଲ୍ ନମ୍ବର ଦେବାକୁ ପଡିବ ।
- ଥରେ ଆପଣଙ୍କ ନମ୍ବର ଭେରିଫାଏ ହୋଇଗଲେ ଆପଣଙ୍କ ରେଜିଷ୍ଟ୍ରେସନ୍ ପ୍ରକ୍ରିୟା ପୁରା ହୋଇଯିବ ।
